वीरगंज । पर्साकाे जगरनाथपुर गाउँपालिका वडा नं.३ खलुचडीमा आइतबार निशुल्क आँखा शिविर सम्पन्न भएकाे छ । जनमत पार्टी, पर्साको लोककल्याणकारी अभियान अन्तर्गत चलिरहेको निशुल्क आँखा शिविर अन्तर्गत १५ औं शिविर सम्पन्न भएको हाे ।
शिविरमा १५९ जना महिला /पुरुषले चेकजाँच गराएकाे जनमत पार्टी पर्साले जनाएकाे छ । सो मध्ये ५४ जनामा मोतियाबिन्द भेटिएको जनमत पार्टी पर्साका अध्यक्ष ओमप्रकाश सरार्फले जानकारी दिए । मोतियाबिन्दु भएकाकोहरुको शल्यक्रिया वीरगंज सामुदायिक आँखा केन्द्रमा निशुल्क रुपमा गरिने अध्यक्ष सरार्फले बताए ।
जनमत पार्टी क्षेत्र न.४ का संयोजक बृजेश्वर चौधरीको अध्यक्षतामा सम्पन्न शिविरमा गादीमाई साझेदारी वन उपभोक्ता समुहका अध्यक्ष सहरुम राउत गद्दी, स्थानीय अगुवाहरु सोनालाल रौनियार, मदिस राउत गद्दी, तबरेज राउत गद्दी, प्रहरी सहायक निरीक्षक पल्टु ठाकुर, जनमत पार्टीका नेताहरू जय भोले, रुक्सना खातुन लगायतको सहभागिता रहेको थियो ।
जनमतकाे लाेककल्याणकारी अभियानबाट अहिले सम्म १८ सय ६० भन्दा बढी जना लाभान्वित भएका छन भने ५१० भन्दा बढीको मोतिया बिन्दुको शल्यक्रिया समेत गरिएकाे जिल्ला अध्यक्ष सरार्फले जानकारी दिएका छन् ।
