वीरगंज । रोटरी क्लब अफ वीरगंज र रोटरी क्लब अफ वीरगंज मेट्रोपोलिसको संयुक्त आयोजनामा रोटरी मैत्री क्रिकेट प्रतियोगिता सम्पन्न भएको छ । महिलातर्फकाे प्रतियोगितामा विभिन्न क्लबका टोलीहरूले सहभागिता जनाएका थिए ।
प्रतियोगिताको पहिलो खेल रोटरी क्लब अफ वीरगंज र रोटरी क्लब अफ वीरगंज मेट्रोपोलिस बीच भएको थियाे । पाँच ओभरको खेलमा रोटरी क्लब अफ वीरगंजले २८ रनको अन्तरले जीत हासिल गर्याे ।
पुरुषतर्फकाे खेलमा रोट्रयाक्ट क्लब अफ वीरगंज मेट्रोपोलिस र रोट्रयाक्ट क्लब अफ युनाइटेड वीरगंजले संयुक्त रूपमा रोट्रयाक्ट क्लब अफ वीरगंज र रोट्रयाक्ट क्लब अफ शंकराचार्यलाई पराजित गर्यो । ९ ओभरको खेलमा युनाईटेडले ७५ रनको फराकिलो जीत निकाल्याे ।
त्यस्तै पुरुषतर्फको तेस्रो खेलमा रोटरी क्लब अफ वीरगंज मेट्रोपोलिस र रोटरी क्लब अफ वीरगंज बीच सम्पन्न भयो । यस खेलमा रोटरी क्लब अफ वीरगंज मेट्रोपोलिसले ९ ओभरमा ८२ रनको विशाल अन्तरले जित दर्ता गर्यो ।
प्रतियोगिताले क्लबहरूबीच आपसी भाइचाराको सम्बन्ध थप मजबुत बनाएको रोटरी क्लब अफ वीरगंज मेट्रोपोलिसका अध्यक्ष अनिल जैसवालले बताए ।
