वीरगंज । पर्साका प्रमुख जिल्ला अधिकारी गणेश अर्यालय वीरगंजमा संचालित एचपिभि खाेप कार्यक्रमकाे साेमबार स्थलगत अनुगन गरेका छन् । स्थलगत अनुगमनको क्रममा नेपाल राष्ट्रिय माध्यमिक विद्यालय नगवामा संचालन भएको खोप कार्यक्रममा गंभीर लापरवाही भएको देखिएको प्रमुख जिल्ला अधिकारी अर्यालले वताएका छन् ।
अधिकारी अर्यालले उक्त विद्यालयको खोप कार्यक्रम स्थगन गरी ९ बुंदे निर्देशन समेत दिएका छन् । अनुगन पछि वीरगंज महानगरपालिकाका प्रमुख प्रशासकिय अधिकृतलाई पत्र लेख्दै अर्यालले ९ बुंदे निर्देशनकाे पूर्ण कार्यान्वयनको सुनिश्चितता गरी आगामी दिनमा यस्तो लापरवाही नहुने कुराको सुनिश्चितता गरेर मात्र खोप कार्यक्रम संचालन गर्नु/गराउनु हुन सूचित गराएका छन् ।
अधिकारी अर्यालका अनुसार अनुगमनकाे क्रममा खोप कार्यक्रममा सहभागी किशोरीहरुको नाम दर्तामा क्रममा विद्यालयका विधार्थीहरुलाई प्रयोग गरिएको, खोप लगाउने स्थानको सरसफाईमा ध्यान नदिइएको, सेफ्टी बक्सको व्यवस्था नगरिएको र Vaccine Carrier तथा सिरिन्जहरु समेत फोहोर भुईमै राखेर खोप लगाईएको भेटिएकाे थियाे ।
यसैगरी खोप संचालन पूर्व counselling तथा खोप पश्चात आराम गर्ने स्थलको प्रबन्ध नगरिएको, किशोरीहरु खोपको प्रकृति तथा महत्व एवं उपयोगिताका विषयमा पूर्णतः अनभिज्ञ रहेको देखियो, Vaccinator तथा कार्यक्रममा संलग्न कुनैपनि स्वास्थ्यकर्मीले पोशाक लगाएको नदेखिएको। ६. Icepack लगायतका सामग्रीहरु, Cutton तथा Niddle लगायत AEFI Kits को उपयुक्त तवरले प्रबन्ध भएको नपाईएको पनि देखिएकाे थियाे ।
खोपकेन्द्रमा खोपसँग सम्बन्धित सूचना सम्प्रेषण गर्ने जनशक्ति, सामग्री इत्यादीको उपलब्धता देखिएन, किशोरी संख्याको आधारमा Vaccinator तथा Volunteer हरुको प्रबन्ध नगरिएको र खोपस्थलमा न्यूनतम सावधानी, सरसफाई, सुरक्षा लगायतका विषयहरु उपेक्षित रहकोले खाेप अभियानकाे व्यवस्थापन गरि सुधार गर्नु पर्ने अधिकारी अर्यालयले जनाएका छन् ।
