वीरगंज । भोजपुरी फिल्मका चर्चित अभिनेता विक्रांत सिंह राजपूत फेरि एकपटक नयाँ धमाकेदार फिल्म लिएर दर्शकमाझ आएका छन् । हालै सार्वजनिक गरिएको फिल्म ‘सइयां जी की जय हो’ को ट्रेलरले चार मिनेटको छोटो अवधिमै प्रेम, रोमाञ्च र हास्यव्यंग्यको पूर्ण मनोरञ्जन दिने संकेत दिएको छ।
ट्रेलरको सुरुवातमै विक्रांतको दमदार इन्ट्री र मजेदार शैलीले दर्शकलाई तान्ने काम गरेको छ । ट्रेलरमा देखिएअनुसार, फिल्ममा उनी तीन सुन्दर नायिकाहरू चाँदनी सिंह, जोया खान र प्रीति मौर्यसँग रोमान्स गरिरहेका छन्, जसले चलचित्रलाई मसालेदार रोमान्टिक कमेडीको रुप दिएको छ।
फिल्ममा विक्रांत र नायिकाहरूबीचको राेमान्स, आकर्षक संवादहरू र हल्का हास्यले दर्शकलाई हँसाउने र रोमाञ्चित गराउनेछ भन्ने अनुमान गर्न सकिन्छ।
भोजपुरी फिल्म उद्योगमा लामो समयदेखि सक्रिय विक्रांत सिंह राजपूतको यो फिल्म दर्शकमाझ कत्तिको प्रभाव पार्छ भन्ने हेर्न बाँकी नै छ, तर ट्रेलरले भने उत्सुकता बढाइदिएको छ।
