वीरगंज । पर्सा प्रहरीले लागुऔषध गाँजासहित एक जनालाई पक्राउ गरेको छ । पक्राउ पर्नेमा पर्सागढी नगरपालिका वडा नं. ९ एकटांगा निवासी ३४ वर्षीय जगमोहन यादव रहेका छन् ।
- Advertisement -
जिल्ला प्रहरी कार्यालय पर्साका अनुसार शनिबार बिहान ७:१० बजेको समयमा पटेर्वा सुगौली गाउँपालिका–४, करबोला चोक नजिक चेकजाँचको क्रममा यादव पक्राउ परेका हुन् । इलाका प्रहरी कार्यालय पटेर्वा सुगौलीबाट खटिएको नियमित चेकिङ टोलीले बलुवाबाट देउरवाना जाँदै गरेको भारतीय नम्बर प्लेट बिआर०५एजि ६८०५ भएको मोटरसाइकल रोकी जाँच गर्दा सिटमुनी तथा शरीरमा बाँधिएको अवस्थामा ८ किलो ४४० ग्राम गाँजा फेला पारेको हो ।
पक्राउ परेका यादवलाई मोटरसाइकलसहित नियन्त्रणमा लिइ लागुऔषध सम्बन्धी कसूरमा थप अनुसन्धान भइरहेको जिल्ला प्रहरी कार्यालय पर्साका प्रवक्ता एवं प्रहरी नायब उपरीक्षक किशोर लम्सालले जानकारी दिए ।
