वीरगंज । नेपाली कांग्रेस निकट नेपाल लोकतान्त्रिक खेलकुद संघ पर्साको प्रथम जिल्ला अधिवेशनबाट असेश्वर पटेल सर्वसम्मत रूपमा अध्यक्षमा चयन भएका छन् ।
शनिबार वीरगंज–२४ स्थित नेपाली कांग्रेस पर्साको पार्टी कार्यालयमा सम्पन्न अधिवेशनले पटेलको नेतृत्वमा नयाँ कार्यसमिति चयन गरेको हो । संघको उपाध्यक्षमा सुबोध श्रीवास्तव र महिला उपाध्यक्षमा रोशनी श्रेष्ठ चयन भएका छन् । सचिवमा राजेश पटेल, सहसचिवमा पुष्पराज यादव र कोषाध्यक्षमा सोनालाल मण्डल रहेका छन् ।
सदस्यहरूमा दिलिप दास, अरवाज हुसेन, सन्दीप यादव, रामविनय ठाकुर, महमद मन्सुर, आकाश पटेल, फिरोज अन्सारी, दिपीका पटेल, आशीष बैठा, सोनु पटेल लगायत रहेका छन् ।
कार्यक्रम संघका निवर्तमान कार्यवाहक अध्यक्ष एवं नव-निर्वाचित अध्यक्ष असेश्वर पटेलको अध्यक्षता तथा नेपाली कांग्रेस पर्साका कार्यवाहक सभापति रामनारायण कुर्मीको प्रमुख आतिथ्यमा सम्पन्न भएको थियो ।
अधिवेशनमा कांग्रेसका नेताहरू प्रेम बहादुर थापा, प्रकाश उपाध्याय, महमद साहबुदिन, अनिल सिंह, दिलीपराज कार्की, हिरा श्रेष्ठ, बिटु पटेल, राहुल पटेल, पर्सा तेक्वान्दो संघका अध्यक्ष गणेश श्रेष्ठ लगायतको उपस्थिति रहेको थियो ।
