वीरगंज, २८ असोज । बाराको सिम्रौनगढ नगरपालिका ३ नयकाटोलाका ६ वर्षीय बालकको अपहरण गरी हत्या भएको छ बुधबारदेखि हराएका गोलु भनिने दिपक प्रसाद यादवको शव गाउँ नजिकै जंगलमा फेला परेको प्रहरीले जनाएको छ ।

घर नजिकै रहेको रानीवासमा हजुरबुबासँग मेला हेर्न गएका दिपक अपराहृन ४ बजेतिर हराएका थिए । परिवारले साँझ ७ बजे प्रहरीलाई खबर गरेका थिए ।

बालकको अपहरण पछि हत्या गरेको अभियोगमा प्रहरीले दुई जनालाई पक्राउ गरेको छ । पक्राउ पर्नेमा स्थानीय १७ बर्षे हरेन्द्र कुमार कुश्वाहा र २३ बर्षे सुखल वैठा छन् ।

प्रहरीको प्रारम्भीक अध्ययन अनुसार ऋण नदिएको झोकमा बालकको हत्या गरेको खुल्न आएको छ ।

पक्राउ अभियुक्त हरेन्द्रले एक महिना अगाडि गोलुका बाबु धनेश्वर प्रसादसँग दुई लाख रुपैयाँ ऋण मागेका थिए । तर, ऋण दिन अस्वीकार गरेपछि कुशवाहाले समय आएपछि देखाउने भनि धम्की दिएको पाइएको छ ।

बालक हराएको भोलिपल्ट बिहान करिब १० बजे धनेश्वरलाई अभियुक्त श्याम बैठाले १० लाख फिरौती समेत माग गरेको कल रेकर्डका आधारमा खुलेको छ । बालकको भने अपहरण गरेकै राति घाँटी थिचेर हत्या गरेको पाइएको बाराका प्रहरी नायब उपरिक्षक रन्जित सिँह राठौरले जानकारी दिए ।

कास /वीरगंज,  २८ असोज ।
पर्साको सखुवाप्रसौनी गाउँपालिकाको वडा नम्बर ६, लखनपुरमा ३ दिन देखी सम्पर्क विहिन भएका एक युवकको आज शव फेला परेको छ । स्थनिय हरि ठाकुर हजामको २० बर्षीय छोरा शिवशंकर ठाकुर हजामको शव फेला परेको प्रहरीले जनाएको छ ।

शुक्रबार मर्नीङवालकमा निस्केका शिवशंकर सम्पर्क विहिन भएका थिए । घर परिवारको सम्पर्क विहिन भएका शिवशंकरको शव लखनपुर स्थित गण्डक नहरमा फेला परेको प्रहरी चौकी महुवनका प्रहरी सहायक निरिक्षक जिवश कुमार शर्माले वताए ।

दिउसो नहरमा शव दखे पछि स्थानियवासीहरु प्रहरीलाई खबर गरेका थिए । शव पोष्टमार्टमका लागी नारायणी उपक्षेत्रिय अस्पताल बिरगंजमा पठाईएको सहायक प्रहरी निरिक्षक शर्माले वताए । घटना बारे अनुसन्धान भइरहेको र पोष्टर्माड पछि नै मात्र केही भन्न सहिने उनले वताए ।