कास /वीरगंज, २८ असोज ।
पर्साको सखुवाप्रसौनी गाउँपालिकाको वडा नम्बर ६, लखनपुरमा ३ दिन देखी सम्पर्क विहिन भएका एक युवकको आज शव फेला परेको छ । स्थनिय हरि ठाकुर हजामको २० बर्षीय छोरा शिवशंकर ठाकुर हजामको शव फेला परेको प्रहरीले जनाएको छ ।
शुक्रबार मर्नीङवालकमा निस्केका शिवशंकर सम्पर्क विहिन भएका थिए । घर परिवारको सम्पर्क विहिन भएका शिवशंकरको शव लखनपुर स्थित गण्डक नहरमा फेला परेको प्रहरी चौकी महुवनका प्रहरी सहायक निरिक्षक जिवश कुमार शर्माले वताए ।
दिउसो नहरमा शव दखे पछि स्थानियवासीहरु प्रहरीलाई खबर गरेका थिए । शव पोष्टमार्टमका लागी नारायणी उपक्षेत्रिय अस्पताल बिरगंजमा पठाईएको सहायक प्रहरी निरिक्षक शर्माले वताए । घटना बारे अनुसन्धान भइरहेको र पोष्टर्माड पछि नै मात्र केही भन्न सहिने उनले वताए ।
