वीरगञ्ज, २८ असोज ।
वीरगञ्ज महानगरपालिकाको बार्ड नम्बर ९स्थित रातो बगंलामा हृयुम पाइपले च्यापिएर मृत्यु भएका बालकको परिवारलाई सांसद प्रदिप यावदले ५० हजार सहयोग प्रदान गर्नुभएको छ । सांसद यादवले मृतक ७ बर्षिय रोहित चौधरीको जिरा भवानीपुुर गाउपालिका स्थित वार्ड नम्बर १ महादेव पट्टी गाउको घरमै पुगी राहत सहयोग प्रदान गर्नुभएको हो ।
आइतवार दिउसो घरमे पुगेर सांसद यादवले मृतक रोहित चौधरी प्रति श्रद्धान्जली व्यक्त गर्दै घटनामा सलंग्न कालिका निर्माण कम्पनिलाई जसरी पनि कार्यवाहि गराएर छाडने प्रतिबद्धता व्यक्त गर्नुभयो । उहाले आफ्नो सांसदको तलब भत्ताबाट राहत सहयोग प्रदान गरेको बताउदै घटनामा घाइते बाल वालिकाहरुलाई उपचार खर्च र क्षतिपुर्ती दिलाउन संधर्षरत रहेको बताउनु भयो ।
यस अघि पर्सा क्षेत्र नम्बर १ का सांसद एंव संघीय समाजवादी फोरम नेपाल पर्साका अध्यक्ष प्रदीप यादवले वीरगन्जको लालबंगला परिसरमा सोमबार साँझ ह्युमपाइपले च्यापिएर घाइते भएका बालिकाहरुको उपचार खर्चका लागि आर्थिक सहयोग गर्नु भएको थियो । बिएण्डबी अस्पतालमा उपचार गराइ रहेका सोही गाउका गोविन्द चौधरीकी छोरीहरु १० वर्षकी अनुष्का चौधरी र सात वर्षकी अंकीता चौधरीलाइ गत मगंलबार बिहान अस्पतालमै पुगेर सांसद यादवले जनही २५/२५ हजार रुपैया नगद सहयोग गर्नु भएको थियो ।
यादवले उक्त रकम , बालिकाद्वयका बुबा गोविन्द चौधरीलाइ प्रदान गर्नु भएको थियो । त्यही घटनामा घाइते भइ वीरगन्ज हेल्थ केयर अस्पतालमा उपचार गराइ रहेकी वीरगन्ज ९ रानीघाटका राकेश यादवकी छोरी नौ वर्षकी आयुषा यादवलाइ पनि २५ हजार रुपैया पनिप्रदान गर्नभएको छ ।