वीरगंज, २८ असोज ।
वीरगंजमा कात्तिक १ गते, विहिबार भोजपुरी नेपाली स्टार नाईट नाम दिइएको विशाल सांगीतिक कार्यक्रम हुने भएको छ । वीरगंजको आदर्शनग रंगशालामा दिउसो ३ बजे देखी हुने कार्यक्रममा भारत विहारका भोजपुरी फिल्मका स्टारहरु र नेपालका राष्ट्रिय कलाकारहरुको प्रस्तुती हुने आयोजकले जनाएको छ ।
हिन्दुहरुको महान चाडपर्व वडा दशैको उपलक्ष्यमा हेडपी नेपालको आयोजना हुन लागेको कार्यक्रमको तयारी अन्तिम चरणमा पुगेको आयोजक संस्थाका योगेन्द्र गुप्ताले वताए । 
नवमीको दिन हुने कार्यक्रममा भोजपुरी सुपर स्टार खेसारीलाल यादव, आम्रपाली दुबे, काजल राघवानी, नेपाली स्टार इन्दिरा जोशी, सेलिना कुंवर, सन्दिप क्षेत्री (मिठाईलाल) लगायतको कलाकारहरुको प्रस्तुती हुने गुप्ताले जानकारी गराए ।
गुप्ताका अनुसार टिकट दर ६ सय देखी २ हजार ५ सय सम्मको रहेको छ । सिल्भर टिकट रु ६ सय, गोल्ड टिकट एक हजार, डाइमण्ड टिकट रु १ हजार ५ सय र भिआईपी टिकटको दर रु २ हजार ५ सय रहेको छ ।
वीरगंज भन्दा टाढा टाढाका भारत र नेपालका संगित प्रेमीहरु टिकट खरिद गरी आ आफनो सिट सुरक्षति गरिरहेको आयोजकले जनाएको छ ।
कार्यक्रममा सहभागि हुने भोजुरी स्टार खेसारीलाल, अम्रपाली र काजलले सामाजिक संजाल मार्फत आफुहरु वीरगंज आउन लागेको जनाएका कारण पनि ढुक भएर संगित प्रेमीहरु टिकट खरिद गरि आ आफनो सिटी सुरक्षित गरिरहेको बुझिएको छ ।
