वीरगंज, २३ असोज ।
जिल्ला प्रहरी कार्यालय, पर्साले लागु औषध सहित एक जनालाई पक्राउ गरेको छ । वीरगंज १५ बस्ने मिथलेश साहको छोरा २४ बर्षका मुरारी झालाई प्रहरीले पक्राउ गरेको हो ।
भारतबाट नेपाल तर्फ कालो झोला बोकी आइरहेको अवस्थामा चेकजाच गर्दा लागु औषध उइन क्रेक्स १०० एमएलका ५० बोतल र नाईट्रोभेट ६ पतामा १५ पिसको दरले ९० पिस फेला परेको प्रहरीले जनाएको छ ।
वीरगंज महानगरपालिका वडा नं. २, श्रीसियाबाट सोमबार सांझ ६ बजेको करिबमा झालाई प्रकाउ गरिएको जिल्ला प्रहरी कार्यालय, पर्साले जनाएको छ ।
वीरगंज, २३ असोज ।
सशस्त्र प्रहरीले वीरगञ्जमा कपडा बरामद गरेको छ । रातको समयमा भन्सार छलेर ल्याउँदै गरेको चार लाख १८ हजार ३१ रूपैयाँ बराबर मूल्यको बरामद गरिएको सशस्त्र प्रहरीले जानकारी दिएको छ ।
वीरगञ्ज महानगरपालिका-६ छपकैया नयाँ बस्ती इलाकाबाट ४ लाख १८ हजार ३१० रुपैयाँ मूल्य बराबरको कपडा बरामद गरिएको हो ।
सशस्त्र प्रहरीको वीरगञ्ज भन्सारस्थित गुल्मबाट खटिएको मोबाइल गस्ती टोलीले सुट, सर्ट पाइन्टका कपडाहरु, टप्स, मोबाईल चार्जर, जुत्ता लगायतका सामग्री बरामद गरेको सशस्त्र प्रहरीले जनाएको छ ।
बरामद गरिएको समान आवश्यक कारबाहीका लागि वीरगञ्ज भन्सार कार्यालय पठाइएको सशस्त्र प्रहरी निरीक्षक पदमबहादुर खड्काले जानकारी दिए ।
वीरगंज, २३ असोज ।
तराई हस्पीटल वीरगंजले आफनो प्रथम वार्षीकोत्सवको अवसर आज आयोजना गरेको रक्तदान कार्यक्रममा ५ जना महिला सहित ५६ जनाले रक्तदान गरेका छन ।
अस्पताल परिसर मै भएको कार्यक्रममा पुजा पंजियार, अम्बीका रामतेल, तबसुम अंसारी, रिना चौधरी, सर्मिला थपलिया, डा. कृष्ण साह, विशाल महतो, हिरा साह, मुकेश प्रसाद, जितेन्द्र मिश्रा, बिरेन्द्र प्रसाद कुशवाहा, सरोज कुमार गौरो लगायतकाले रक्तदान गरेको रक्त संचार केन्द्र वीरगंजका प्रमुख सौरभ राज पाण्डेले वताए ।
डा. रोशन कुर्मीको अध्यक्षतामा कार्यक्रम भएको थियो ।
वीरगंज ,२३,असोज
वीरगंज स्थित रहेको गहवामाई परिसको सरसफाई मंगलबार सम्पन्न भएको छ । दशैको अवसरमा श्री आदर्श माध्यमिक बिधालयका बिद्यार्थीहरुको समुह श्री आदर्श स्काउट दल भन्ने संस्था को सहयोगमा गहवामाई मन्दिरको परिसर सरसफाइ गरेको छ । दलका संयोजक तथा श्री आदर्श माध्यमिक बिधालयका शिक्षक राम अमोद पान्डेको अध्यक्षतामा सरसफाइ भएको छ । कार्यक्रमको क्रममा ग्रीन सिटीबाट जयप्रकाश खेतान र ब्यवस्थित बिरगंजको सयोजक दिलिप राज कार्की लगायतको उपस्तिथि थियो ।
दशै सुरु हुने साथ मन्दिरमा पुजा गर्ने भक्तजनहरुको भिड हुने भएको कारण मन्दिर सफा गर्न पर्ने उदेश्यको साथमा स्काउट दलले सो कार्यक्रमको आयोजना गरेका थिए ।
जिल्लाकै प्रमुख धार्मिक स्थल मानिने यस मन्दिरमा दिनहुँ सयौ र दशैमा लाखौं पुजा गर्नेप ब्यक्तिहरुको घुइचो लाग्ने भएको छ । सफा गर्ने क्रममा मन्दिर परिसरकै वरिपरि रहेको नाला महिनौ देखी सफा नरहेको नाला सफा गरीएको छ ।
घाइते बालिकाहरुलाइ सांसद प्रदीप यादवद्धारा अस्पतालमै पुगेर जनही २५ हजार सहयोग
वीरगंज, २३ असोज ।
पर्सा क्षेत्र नम्बर १ का सांसद एंव संघीय समाजवादी फोरम नेपाल पर्साका अध्यक्ष प्रदीप यादवले वीरगन्जको लालबंगला परिसरमा सोमबार साँझ ह्युमपाइपले च्यापिएर घाइते भएका बालिकाहरुको उपचार खर्चका लागि आर्थिक सहयोग गर्नु भएको छ ।
काठमाण्डौको बिएण्डबी अस्पतालमा उपचार गराइ रहेका पर्साको जीराभवानी गाउपालिका वडा नम्बर १ स्थायी घर भइ हाल वीरगन्ज ९ रानीघाटमा बस्दै आएका गोविन्द चौधरीकी छोरीहरु १० वर्षकी अनुष्का चौधरी र सात वर्षकी अंकीता चौधरीलाइ आज बिहान अस्पतालमै पुगेर सांसद यादवले जनही २५/२५ हजार रुपैया नगद सहयोग गर्नु भएको हो ।
यादवले उक्त रकम, बालिकाद्वयका बुबा गोविन्द चौधरीलाइ प्रदान गर्नु भएको हो । त्यही घटनामा घाइते भइ वीरगन्ज हेल्थ केयर अस्पतालमा उपचार गराइ रहेकी वीरगन्ज ९ रानीघाटका राकेश यादवकी छोरी नौ वर्षकी आयुषा यादवलाइ पनि २५ हजार रुपैया आजै प्रदान गरिने काठमाण्डौमा रहेका सांसद यादवले बताउनु भयो ।
यसैगरि सोमबार साँझको घटनामा परि ज्यान गुमाएका रानीघाटका बालमुकुन्द राउत चौधरीका आठ वर्षिय छोरा रोहीत चौधरीको परिवारलाइ भने आफु वीरगन्ज आए लगत्तै ५० हजार रुपैया प्रदान गर्ने सांसद यादवले बताउनु भयो ।
यसैबिच आज बिहान एक विज्ञप्ति जारी गर्दै सांसद यादवले सोमबार साँझ भएको दुखद घटनाले आफु स्तब्ध भएको बताउनु भएको छ । लालबंगला परिसरमा ह्युम पाइप राख्ने कालिका कन्ट्रक्सनकै लापरवाहीका कारण दुखद घटना भएकाले यस्को सम्पूर्ण जिम्मेवारी कालिकाले नै लिनु पर्ने पनि उहाले बताउनु भएको छ ।
त्यहा लापरवाही पुर्वक ह्युम पाइप थुपारेर राख्ने कालिका र ह्युम पाइप राख्न लगाउने दुवै पक्षलाइ कार्वाही गर्न पनि सांसद यादवले स्थानीय प्रशासनलाइ निर्देशन दिनुका साथै सरकारसंग माग पनि गर्नु भएको छ ।
एउटा बिदेशमा बस्ने नेपाली सोध्यो, ” कस्तो छ नेपालमा?”
मैले प्रतिउत्तरमा भने, “गरिबको जिन्दगी, सहिदको रगत र नारीको इज्जत – सस्तो छ नेपालमा।।”???
प्रभाकर साह
वीरगंज
वीरगंज, २२ असोज ।
बीरगंजको लाल बंगल परिसरमा थुपारिएको हुयुम पाइप पल्टिदा आज सांझ खेल्ने गएका ४ बालबालिका च्यापिएर घाइते भएका मध्य एक जनाको मृत्यु भएको छ । घाइते भएका चारजना बालबालिकामध्ये बालमुकुन्द राउत चौधरीका छोरा वर्ष आठका रोहित चौधरीको मृत्यु भएको हो । गम्भिर घाईते भएका ८ राेहितकाे उपचारको क्रममा मृत्यु भएको प्रहरीले जनाएको छ ।
वीरगन्ज हेल्थ केयर अस्पतालमा उपचारका क्रममा रोहितको सोमबार राति सवा आठ बजेतिर मृत्यु भएको पर्साका प्रहरी नायव उपरीक्षक सत्यनारायण थापाले जानकारी दिए ।
घटनामा जीराभवानी गाउँपालिका–१ स्थायी घर भइ हाल वीरगन्ज–९ रानीघाटमा बस्दै आएका गोविन्द चौधरीका छोरी १० वर्षीया अनुष्का चौधरी र सात वर्षकी अंकिता चौधरी घाइते भएका छन् । त्यसैगरि वीरगन्ज–९ रानीघाटका राकेश यादवकी छोरी नौ वर्षीया आयुषा यादव पनि घाइते भएकी छन् ।
१० वर्षकी अनुष्का चौधरी र सात वर्षकी अंकीता चौधरीको वीरगन्जमा उपचार सम्भ्व नभएपछि थप उपचारका लागि दुवै दिदीबहिनीलाई सोमबार राति नै एम्बुलेन्सबाट काठमाडौँ पठाइएको छ । अर्की गम्भीर घाइते वीरगन्ज ९ रानीघाटका राकेश यादवकी छोरी नौ वर्षीया आयुषा यादवको वीरगन्ज हेल्थ केयर अस्पालमै शल्यकृया भइरहेको प्रहरी नायव उपरिक्षक थापाले जानकारी दिए ।
यस्तै जिरा भवानी १ का गोविन्द चौधरीका दुई छोरी पनि घाइते भएका छन् । १० वर्षकी अनुष्काको एउटा खुट्टा भाँच्चिएको छ भने ७ वर्षीया अंकिताको टाउकोमा चोट लागेको छ ।
कालिका कन्स्ट्रक्सन प्रा.लि.ले अण्डर ग्राउण्ड नाला निर्माणका लागि बीरगंज महानगरपालिका वडा नम्बर ९ स्थित लाल बंगला परिसरमा हुयुम पाईप थुपारेर राखेको छ । हुयुम पाईपको थुप्रो माथि चढेर खेल्ने क्रममा अचानक हुयुम पाईप गुडकिएर खस्दा बालबालिका च्यापिएका थिए ।
