एजेन्सी । बलिउडमा प्रेममा रहेको जोडी रणवीर, आलियाको खुबै चर्चा हुने गर्छ । क्याट्रिनासँग गहिरो प्रेममा रमाएपछि ब्रेकअपका कारण लामो समय फ्रस्टेड भएका रणवीर कपुर अहिले आलिया को साथ पाएपछि निकै दंग देखिन्छन् ।
यो जोडीको प्रेमले बलिउडमा खुबै चर्चा पाएको छ । यिनीहरुको बिहेका लागि दुबै परिवार सहमत भइसकेका समाचार समेत बाहिर आएको छ । भारतीय मिडियाका अनुसार दुवै जनाको परिवारले सामाजिक सञ्जालमा खुलेर एकअर्काको तारिफ गर्ने गरेका छन् ।
खबरअनुसार रणबीर आलिया छिट्टै विवाह गर्ने बुझिएको छ । ब्रह्मास्त्रको शूटिंग सकेपछि छिट्टै नै व्यक्तिगत पार्टी राख्ने बताइएको छ । दुई परिवारले पार्टी राख्न खोज्नुले बलिउडमा विवाह हुने तयारीलाई बुझिएको छ ।
आलिया रणबीर यतिबेला अयान मुखर्जीको फिल्म ब्रह्मास्त्रमा व्यस्त छन् । चलचित्रमा अमिताभ बच्चनको पनि अभिनय रहेको छ ।
