वीरगंज । पर्सा प्रहरीले नक्कली सवारी चालक अनुमति पत्र बनाउने २ जनालाई पक्राउ गरेको छ । वडा प्रहरी कार्यालय श्रीपुरबाट खटिएको प्रहरी टोलीले वीरगन्ज महानगरपालिका वडा नं. ११ बस्ने ५१ बर्षको मोहनलाल राउत कुर्मी र सोहि स्थान वस्ने वर्ष ४२ को घनश्याम भण्डारीलाई पक्राउ गरेको हो ।
बाराको कोल्हवी नगरपालिका वडा नं. ४ प्रगति नगर वस्ने वर्ष २१ को रमेश चौधरीकोको नक्कली सवारी चालक अनुमति पत्र बनाउने कार्यमा संलग्न दुबै जनालाई बुधबार वीरगन्ज ११ बाट पक्राउ गरिएको जिल्ला प्रहरी कार्यालय पर्साले जनाएको छ ।
प्रकाउ परेकाहरुको साथबाट नक्कली सवारी चालक अनुमति पत्र बनाउन प्रयोग गरिएको कागजातहरु समेत बरामद भएको र थप अनुसन्धान भइरहेको प्रहरी कार्यालयले जनाएको छ ।
