31.8 C
Birgunj
31 March 2025
KALIKATIMES.COM

एसईई परिक्षा मर्यादित बनाउन सिडिओ अर्यालकाे प्रयास जारी

अनियमितता भएकाे भेटिएपछि सुरजी देवीका केन्द्राध्यक्ष सहित सबैलाई जिम्मेवारीबाट हटाइयाे

वीरगंज । एसईई परिक्षा संचालनकाे तेस्राे दिन गणित विषयकाे परिक्षामा पर्साका केही केन्द्रहरुमा मर्यादा विपरित कार्य गरेकाे भेटिएकाे छ ।

प्रमुख जिल्ला अधिकारी गणेश अर्यालय नेतृत्वकाे अनुगमन टाेलीले वीरगंजकाे सुरजी देवी केन्द्र लगायकाे परिक्षा केन्द्रमा मर्यादा विपरित काम गरेकाे फेला परेपछि केन्द्राध्यक्ष सहित परिक्षा संचालनकाे लागि खटिएका सबै कर्मचारीहरुलाई कारवाही गरेकाे छ । 

परिक्षामा अनियमिता भएकाे भेटिएपछि जिल्ला परीक्षा समन्वय समितिका अध्यक्ष समेत रहेका सिडिओ अर्यालकाे अध्यक्षतामा बसेको बैठकले एसईई परिक्षा अनुगमनका क्रममा वीरगंज महानगरपालिका वडा नं १२ स्थित सुरजी देवी माध्यमिक विद्यालयको केन्द्रमा अनियमितता, लापरवाही तथा उच्श्रृङ्खल क्रियाकलाप समेत भएको देखिएकोले उक्त परीक्षा केन्द्रमा खटिएका पदाधिकारीहरुलाई कारवाही गरेकाे हाे ।

बैठकले सुरजी देवीका केन्द्राध्यक्ष नन्दकिशोर राम, सहायक केन्द्राध्यक्ष सविता चौधरी र चन्द्रशेखर झा तथा उक्त केन्द्रमा खटिएका सबै निरिक्षकहरुलाई जिम्मेवारीबाट मुक्त गरी बैकल्पिक सूचीमा रहेका केन्द्राध्यक्ष श्री नेरा मावि श्रीपुरका मावि शिक्षक ब्रजमोहन प्रसाद कानुलाई केन्द्राध्यक्षको जिम्मेवारी प्रदान गरेकाे जिल्ला प्रशासन कार्यालय पर्साले जनाएकाे छ ।

यसका साथै सुरजी देवी परिक्षा केन्द्रका परिक्षार्थी सिम्बल नं. 03702456D लाई यस वर्षको परीक्षाबाट निष्काशन गर्ने समेत बैठकले निर्णय गरेकाे छ ।

यसैगरी बैठकले वीरगंज महानगरपालिका कै नेपाल राष्ट्रिय विद्यापीठ माध्यमिक विद्यालय श्रीपुरका केन्द्राध्यक्षले संदेहास्पद गतिविधि गरी उक्त केन्द्रको समग्र अनुशासनको पक्ष समेत फितलो बनाएकोले थप सावधानी, सतर्कता र अनुशासित आवद्धता सहित परीक्षा संचालन गर्न केन्द्राध्यक्षलाई सचेत गराउने र उक्त केन्द्रका आगामी परीक्षाहरुमा सुक्ष्म निगरानी गर्ने पनि निर्णय गरेकाे जिल्ला प्रशासन कार्यालयका शाखा अधिकृत दिपक पटेलले जानकारी दिए ।

प्रतिक्रिया लेख्नुहोस

सम्बन्धित समाचार

पत्रकार रजककाे हत्याकाे विराेधमा कालाे पट्टी बांधेर विराेध प्रदर्शन

कालिका टाईम्स

ईकाइ कार्यालयद्वारा सिफारिस भएका शिक्षहरुलाई नियुक्ति पत्र वितरण

कालिका टाईम्स

नेताहरुको लुटतन्त्रकै कारण तेस्रो जनआन्दोलन जन्मियो : प्रभु साह

कालिका टाईम्स
SQL requests:214. Generation time:3.913 sec. Memory consumption:82.4 mb