वीरगंज । बारा प्रहरीले ठुलो मात्रामा अबैध लागुऔषध गाँजासहित २ वटा मोटरसाइकललाई नियन्त्रणमा लिएको छ।
ईलाका प्रहरी कार्यालय सिम्रौनगढ र प्रहरी चौकी अंमृतगंज खजानीबाट खटिएको प्रहरीको टोलीले सुवर्ण गाउँपालिका वडा नं ३ बकतौरा स्थित नेपालबाट भारततर्फ लैजाने क्रममा ४ पोकामा ६३ किलो २०० ग्राम अबैध लागुऔषध गाँजासहित मोटरसाइकल नियन्त्रणमा लिएको हाे ।
प्रहरीले बकतौरामा लैजाने क्रममा बागमती प्रदेश ०२०४१ प ५७३७ र ना ६३ प ३९८८ नम्बरको मोटरसाइकलमा ६३ किलो अबैध लागुऔषध गाँजा बरामद गरेको जिल्ला प्रहरी कार्यालय बाराका प्रहरी प्रवक्ता एवम् प्रहरी नायव उपरीक्षक प्रकाश सापकोटाले जानकारी दिए ।
प्रहरीलाई हेरेर चालक फरार भएकाले मोटरसाइकललाई नियन्त्रणमा लिएर थप अनुसन्धान भईरहेको प्रवक्ता सापकोटाले बताए ।
प्रतिक्रिया लेख्नुहोस