वीरगंज । उत्तम नेपाल वीरगंज, पर्साको आयोजनामा आइतबार वादविवाद एवम् सांस्कृतिक नृत्य प्रतियोगिता सम्पन्न भएको छ ।
“इन्टरनेशनल स्टुडेन्ट डे”काे अवसरमा भएको सामुदायिक विद्यालयहरु विच भएकाे वादविवाद एवम् सांस्कृतिक नृत्य प्रतियोगिताको उद्घाटन मधेस विश्व विद्यालयका उपकुलपति प्रा. डा. दिपक शाक्यले गरेका थिए ।
प्रतियाेगिता उद्घाटन गर्दै उपकुलपति डा. शाक्यले विद्यार्थीहरुले पाठ्यक्रममा मात्र नभई अतिरिक्त क्रियाकलापमा पनि ध्यान दिनु पर्ने वताए । उनले विद्यार्थीहरु साेसल मिडियाकाे प्रयाेग कम गर्नु पर्ने वताउँदै पढाईकाे साथ साथै आफुलाई मन पर्ने अतिरिक्त क्रियाकलापमा लाग्नु पर्ने सुझाए ।
बिपिएस भवनमा भएको वादविवाद प्रतियोगितामा सिद्धार्थ माद्यामिक विद्यालय प्रथम, नेपाल रेल्वे माद्यामिक विद्यालय दोस्रो र श्री नेपाल राष्ट्रिय गिता गजेन्द्रराज जोशी माद्यामिक विद्यालय तेस्रो भएको थियो ।
यसैगरी नृत्य प्रतियोगितामा श्री नेपाल राष्ट्रिय गीता गजेन्द्रराज जोशी माद्यामिक विद्यालय प्रथम, सुरजी देवी माद्यामिक विद्यालय दोस्रो र नेपाल रेल्बे माद्यमिक विद्यालय तेस्रो भएको आयोजकले संस्थाका अध्यक्ष विट्टु गुप्ताले जानकारी दिए ।
प्रतियोगिताको निर्णायक मण्डलमा एन प्याब्सन वीरगंज महानगरका अध्यक्ष एवं सगरमाथा एकेडेमी प्रधानाध्यापक जियालाल गुप्ता र संकल्प लोक सेवाका प्रबन्ध निर्देश अशोक साह रहेका थिए ।
उत्तम नेपालका संस्थापक फिरोज अन्सारीको अध्यक्षतामा भएको प्रतियोगितामा मुनलाईट स्कुलका प्रबन्ध निर्देशक शुलभ केसी, गरिमा सोनी, आयुषमा सोनी लगायतको उपस्थिती रहेको थियो ।