वीरगंज । वीरगंज महानगरपालिकाले बुधबार एक दिनकाे लागि महानगरपालिका अन्तर्गतका विद्यालयहरुमा विदा दिएकाे छ ।महानगरपालिकाले बुधबार आयाेजना गरेकाे आत्मरक्षा तालिम कार्यक्रममा अधिकतम छात्राहरुकाे उपस्थिति गराउनका लागि महानगरपालिका अन्तर्गतका सबै सामुदायिक तथा संस्थागत विद्यालयहरूमा विदा दिएकाे हाे ।
महानगरपालिकाले एक सूचना जारी गर्दै वीरगंजका १० हजार भन्दा वढि छात्राहरूको उपस्थितिमा छात्राहरूको आत्मबल उच्च बनाउने उद्देश्यका साथ भारतका प्रख्यात मार्शल आर्ट प्रशिक्षक डा. चिता यजनेश सेट्टीद्वारा मिति २०८१ कार्तिक २८ गते बुधवार विहान १०:०० बजेदेखि आत्मरक्षा तालिम प्रशिक्षण कार्यक्रम अधिकतम छात्राहरुकाे उपस्थिति गराउनका लागि वीरगंज महानगरपालिका अन्तर्गतका सबै विद्यालयहरूमा कार्तिक २८ गते १ (एक) दिन पठनपाठन स्थगित गरिएको जनाएकाे छ ।
साथै उक्त कार्यक्रममा सबै विद्यालयका महिला शिक्षकहरू विद्यालयको पोशाकसहित विहान १०:०० बजेभित्र आदर्शनगर रंगशालामा अनिवार्य रुपमा उपस्थित भईदिनुहुन पनि जानकारी गराएकाे छ । साथै साेही सूचना मार्फत बस उपलब्ध रहेका विद्यालयहरुले आ-आफ्ना छात्रा विद्यार्थीहरूलाई विहान १०:०० बजेभित्र आदर्शनगर रंगशालामा तोकिएको ब्लकमा प्रवेश गराईदिनहुन समेत सम्बन्धित सबै विद्यालयको जानकारीको लागि पनि अनुरोध गरेकाे छ ।