वीरगंज । पर्साकाे पाेखरियामा रहेकाे इलाका प्रहरी कार्यालय पाेखरियाका प्रहरी निरिक्षक (इन्सपेक्टर) राजन ढकाल पांच महिना मै तानिएका छन् । प्रहरी प्रधान कार्यालय नक्साले आइतबार ढकालकाे काज सरुवा गर्दै उनकाे ठाउँमा स्वरुप शर्मालाई पठाएकाे छ ।
प्रहरी प्रधान कार्यालयले ढकाललाई गण्डकी प्रदेश प्रहरी कार्यालयमा पठाएकाे छ भने प्रहरी प्रधान कार्यालय मै कार्यरत रहेका इन्सपेक्टर शर्मालाई इप्रका पाेखरियामा पठाइएकाे छ ।
इप्रका पाेखरियाबाट ५ महिना मै इन्सपेक्टर ढकाल तानिएपछि देशभर चर्चाकाे विषय बनेकाे छ । कारवाही स्वरुप उनलाई क बर्गकाे इप्रकाबाट कार्यअवधिकाे आधा समेत नवित्दै उनलाई फिर्ता बाेलाइएकाेले प्रहरीहरुमा देशभर चर्चाकाे विषय बनेकाे हाे ।
ढकालकाे कार्य सम्पादन राम्राे नदेखिएकाे र उनकाे विरुद्ध प्रहरी प्रधान कार्यालयमा थुप्रै गुनासाेहरु पुगेपछि उनकाे अरु ठाउँमा सरुवा गरिएकाे प्रहरी स्राेतले जनाएकाे छ । यसले संगठनकाे निति विपरित काम गर्ने प्रहरीहरु त्रासकाे वतावरण बनेकाे छ ।
इप्रका पाेखरियामा ढकाल आएदेखि नै विवादित भएका थिए । उनले गर्ने कार्य एकपक्षिय ढंगले देखिएपछि उनकाे विरुद्ध जन गुनासाे बढेकाे थियाे । पाेखरियामा आएदेखि उनीसंग दलालहरु नजिकीएका थिए भने तस्करी बढेकाे थियाे ।
इप्रका पाेखरियाकाे क्षेत्रमा तस्करी बढेकाे विभिन्न संचार माध्यमहरु बारम्बार समाचारहरु आएपनि उनले तस्करी नियन्त्रण गर्न सकेका थिएन । घरेलु मदिरा भट्टीहरु खुल्याम रुपमा संचालन भइरहेका थिए । इप्रकाकाे मुद्दा शाखामा पैसा विना कुनै काम भइरहेकाे थिएन । यस्ता थुप्रै गुनासाेकाे आधारमा उनलाई पांच महिना मै फिर्ता बाेलाइएकाे प्रहरी स्राेतले जनाएकाे छ ।