वीरगंज । पर्सा प्रहरीले वीरगंजबाट एक जना बंगलादेशी नागरिकलाई पक्राउ गरेको छ । चाडपर्वलाई लक्षित गर्दै वीरगंजका होटलहरुको चेकजाँच गर्ने क्रममा शंकास्पद अवस्थामा भेटिएका बंगलादेशी नागरिकलाई प्रहरीले पक्राउ गरेको हो ।
वीरगंज महानगरपालिकाकाे वडा नम्बर १६ बसपार्कस्थित आर्यन होटल एण्ड लजको कोठा नम्बर २०२ बाट २९ वर्षीय महमद सहादत हुसेनलाई पक्राउ गरिएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक दिपक भारतीले जानकारी दिए ।
उनकाअनुसार बंगलादेशको सिलेट होबीगंज होल्डिङ् नम्बर ७७७ स्थायी ठेगाना बताउने महमद सहादत हुसेनलाई पासपोर्ट, भिसा लगायतका कागजपत्र नभएको अवस्थामा पक्राउ गरिएको हो ।
हुसेनलाई आवश्यक कारवाहीका लागि अध्यागमन कार्यालय वीरगंज पर्सामा बुझाइएको पर्सा प्रहरीका प्रवक्ता भारतीले बताए ।
प्रतिक्रिया लेख्नुहोस