वीरगंज । मधेस विश्वविद्यालयको दोस्रो वार्षिकोत्सवकाे अवसरमा शनिबार रक्तदान कार्यक्रम सम्पन्न भएकाे छ । वीरगंजस्थित विश्व विद्यालय परिसरमा भएकाे कार्यक्रममा ३ महिला सहित ३५ जनाले रक्तदान गरेका छन् ।
कार्यक्रमकाे उद्घाटन मधेश प्रदेश पूर्व मुख्यमन्त्री लालबाबु राउतले रक्तदान गरेर गरेका थिए । साे कार्यक्रममा मधेस प्रदेशका प्रदेश सभा सदस्य श्याम पटेल, रानी साह, राजु यादव, प्रभु साह,अलताब आलम, दीपक चौरसिया, रिया चौहान, अनिष पटेल, महम्मद जियाउल हक, राजु राउत गद्दी, पवन यादव लगायतले रक्तदान गरेकाे रक्त सञ्चार केन्द्र वीरगंजका प्राविधिक प्रमुख सौरभराज पाण्डेले जानकारी दिए ।
मधेस विश्वविद्यालयका उपकुलपति प्राध्यापक डाक्टर दिपक शाक्यको अध्यक्षता र पूर्व मुख्यमन्त्री राउतको प्रमुख आतिथ्यतामा भएको कार्यक्रममा प्रदेश सभा सदस्य श्याम पटेल, डाक्टर हरेराम ठाकुर, श्याम पोख्रेल, पत्रकार राम सर्राफ लगायतकाे उपस्थिती रहेकाे थियाे ।