वीरगंज । जनमत पार्टीका केन्द्रिय अध्यक्ष डा. सिके राउत वीरगंज आएका छन् । पार्टीकाे केन्द्रीय समितिको बैठकका सहभागि हुन शुक्रबार दिउसाेकाे जहाजले डा. राउत वीरगंज आएका हुन् ।
शनिबार देखी वीरगंजमा बस्न लागेकाे केन्द्रीय समिति बैठकमा सहभागि हुन डा. राउत वीरगंज आएकाे जनमत पार्टीका पर्साका अध्यक्ष ओमप्रकाश सर्राफले बताए । उनले वीरगंजस्थित क्लासिक ब्यांकेटमा पार्टीकाे केन्द्रिय समितिकाे बैठक बस्न लागेकाे जानकारी दिए । बैठकमा पार्टीकाे अगामी कार्य निति एवम् याेजना बारे छलफल हुने जिल्ला अध्यक्ष सर्राफले वताए ।
केन्द्रिय अध्यक्ष डा. राउतलाई स्वागत गर्न पर्सा र बाराका नेता एवम् कार्यकर्ताहरु सिमरास्थित बिमान स्थल पुगेका थिए । सिमरामा भव्य स्वागत पछि वीरगंज आएका डा. राउत वीरगंजस्थित माइस्थान मन्दिरमा दर्शन समेत गरेका थिए ।
बैठकमा सहभागी हुनका लागि देशभरबाट नेता तथा कार्यकर्ताहरु बिहिबारदेखि नै वीरगंज आउन क्रम जारी रहेकाे छ ।