वीरगंज । बाराकाे परवानीपुर गाउँपालिकाले शनिबार गाउँपालिका प्रहरी भर्नाकाे लागि लिखित परिक्षा लिएकाे छ ।
गाउँपालिका प्रहरी जवान, गाउँपालिका प्रहरी हवलदार र गाउँपालिका बरिष्ठ प्रहरी सहायक निरिक्षक पदमा गाउँपालिका प्रहरी भर्नाकाे लागि दाेस्राे चरणकाे परिक्षा अन्तर्गत लखित परिक्षा सम्पन्न भएकाे प्रमुख प्रशासकिय अधिकृत प्राण मेहताले जानकारी दिए ।
गाउँपालिकाकाे वडा नं. ३ स्थित श्री भाेजभगत माद्यमिक विद्यालय लिपनीमालमा भएकाे परिक्षामा ३ महिलासहित १२ गाउँपालिका प्रहरी जवानकाे लागि ३५ जना, दुई गाउँपालिका प्रहरी हवलदारकाे लागि ६ जना र एक गाउँपालिका प्रहरी बरिष्ठ सहायक निरिक्षककाे लागि एक जना मात्र लिखित परिक्षामा सहभागि भएकाे प्रमुख प्रशासकिय अधिकृत मेहताले वताए ।
पहिलाे चरणकाे शारिरीक तन्दुरूस्ती परीक्षणमा प्रहरी जवान पदकाे लागि ४४ जना उत्तीर्ण भएपनि दाेस्राे चरणकाे लिखित परिक्षामा ३५ जना मात्र सहभागि भएकाे अधिकृत मेहताले वताए ।
परिक्षाकाे केन्द्राध्यक्षमा वीरगंज महानगरपालिकाका अधिकृत राजेश राम थिए भने परिक्षाकाे गाउँपालिका अध्यक्ष रामक्षत्री प्रसाद कुर्मी, वडाध्यक्ष नुरुलहाेदा अन्सारी, इब्राहिम मियाँ धाेबी लगायतकाले अनुगमन समेत गरेका थिए ।