वीरगंज । इलाका प्रहरी कार्यालय पटेर्वा सुगाैली मातहतका प्रहरीले पैदल गस्ती थालेका छन् । “हर प्रहर, गाउँ र नगरी, टोल टोलमा नेपाल प्रहरी “को उदेश्य अनुरुप शुक्रबारदेखि जिराभवानी गाउँपालिकाकाे सेढवाबाट पैदल गस्ती थालिएकाे इलाका प्रहरी कार्यालय पटेर्वा सुगाैलीका प्रहरी निरिक्षक रामराजा केशरीले वताए ।
प्रहरी निरिक्षक केशरीका अनुसार प्रहरी बरिष्ट हवल्दार राजनेत प्रसाद यादवको कमाण्डमा ७ जनाको पैदल गस्ती टोलीले इलाका प्रहरी कार्यालय सेढ्वाबाट शुरु गरि सेढ्वा, जगतीया, बलुवा, पकरी टोल, महादेवपट्टी, पिडारीगुठी हुँदै स्थानिय टोल टोल घुम्दै सुरक्षा अवस्था, चुनौती, समस्या पहिचान गर्दै बेलुकाकाे बसाई प्रहरी चाैकी पाण्डेपुरमा बसेका थिए ।
त्यसपछि पुन: शनिबार बिहान ०७:०० बजेदेखि पाँडेपुर, जमुनिया, खिलचरी, जग्गरनाथपुर, सुपौली, मोडटोला, शन्करशरैया, सखुवनिया, हरैया, सहजानपुर, नवकाटोला हुँदै बेलुका ५ बजे पुन: ईलाका प्रहरी कार्यालय सेढ्वा पर्सामा पुगी गस्ती अवधी भरको नागरीकको सल्लाह, सुझाव, सुरक्षा सम्बन्धी चुनौती र समस्याबारे जानकरी गाराएको प्रहरी निरिक्षक केशरीले जानकारी दिए ।