वीरगंज । नेपाल कम्युनिष्ट पार्टी (माओबादी केन्द्र) पर्सा ज़िल्ला कमिटीको दोश्रो बैठक बुधबार सम्पन्न भएको छ ।
ज़िल्ला अध्यक्ष बिजय महतोको अध्यक्षतामा बसेकाे बैठकले विभिन्न निर्णयहरु गरेकाे छ । बैठकमा पार्टीका केन्द्रिय सदस्य तथा पूर्ब मन्त्रि उर्मिला आर्यालले पार्टीको केन्द्रीय परिपत्र पढेर बाचन गरेकी थिइन ।
उनले श्रावण २८ गते भित्र पर्सा ज़िल्ला अन्तर्गतको सबै वडा कमिटी, टोल कमिटीहरूलाई गठन तथा पुन:गठन गर्न निर्देशन दिइन ।
बैठकले क्षेत्र नम्बर १ कमाण्डरमा रामदरश कसवाहा, क्षेत्र नं. २ को बाबूराम कौशिक, क्षेत्र नं. ३ को छोट्टेलाल यादव, बालेश्वर थारु, रामबाबु बैठालाई ज़िम्मेवरि दिएको छ भने क्षेत्र नम्बर ४ को समायोजन गर्ने ज़िम्मा जिल्ला अध्यक्ष बिजय महतो र बिरगंज महानगरपालिकाको ज़िम्मा रहबर अंसारीलाई दिएकाे छ ।
साथै नेकपा माओबादी केन्द्र पर्सा ज़िल्ला सचिवको बेवस्था नभए सम्माको लागी कार्यक्रम संचाल गर्ने ज़िम्मा ज़िल्ला कमिटी सदस्य प्रभाकर गुप्तालाई दिने बैठकले निर्णय गरेकाे छ ।
यस्तै बैठकले छिपहरमाई गाउँपालिका अध्यक्ष तथा ज़िल्ला कमिटी सदस्य मनोज गुप्ता लगायत २७ जानालाई बैठकले कारवाही गर्ने निर्णय गरेकाे जिल्ला कमिटी सदस्य प्रभाकर गुप्ताले जानकारी दिए ।
बैठकमा प्रदेश कमिटी सदस्य छोट्टेलाल यादव, रामदरश कुशवाहा, बाबुराम कौशिक, बालेश्वर थारु, प्रदेश सभा सदस्य पस्मिना क़ादरी, जगरनाथपुर गाउँपालिका अध्यक्ष ज़ालिम मियाँ लगायतको उपस्तिथि रहेको थियो ।
प्रतिक्रिया लेख्नुहोस