वीरगंज । चितवन राष्ट्रिय निकुञ्ज भित्र एउटा बाघ मृत फेला परेको छ । राष्ट्रिय निकुञ्ज अन्तरगत ठोरी -३ मा पर्ने वेदघारी सामुदायिक वन क्षेत्रमा पर्ने जङ्गलमा वयस्क बाघ मृत फेला परेको हो ।
बुधबार सामुदायिक वन क्षेत्रमा घाँसदाउरा लिन गएका स्थानीयले करीब १० बजेतिर गाउँबाट करिब १ किलाेमिटर भित्र जङ्गलमा मृत अवस्थामा रहेको बाघ फेला पारेको निर्मल ठोरी मध्यवर्ती उपभोक्ता समितिका अध्यक्ष बाल कुमार बस्नेतले जानकारी दिए ।
उनले उक्त बाघ बङ्गाल टाइगर प्रजातिको भएको बताउँदै मृत्यु हुनुको कारण अनुसन्धान पछि मात्र खुल्ने बताए । चितवन राष्ट्रिय निकुञ्ज कार्यालय कसराबाट पशु चिकित्सक सहितको विज्ञ टोलि घटनास्थलमा आउँदै गरेको समेत अध्यक्ष बस्नेतले बताए ।
चितवन राष्ट्रिय निकुञ्ज प्रशासनका प्रमुख संरक्षण अधिकृत नारायण रुपाखेतीले निकुन्जका अनुसन्धान टोली घटनास्थल स् पुगेका बताए।