वीरगन्ज, ६ मंसिर ।
वीरगन्जको पिपरा स्थित रहेकाे नरसिंह माध्यमिक विद्यालयको भवनको शिलान्यस अाज वीरगन्ज महानगरपालिकाका नगर प्रमुख विजय कुमार सरावगीले गर्नु भएको छ । बिहिबार मध्यान एक कार्यक्रमबिच विद्यालय प्रागंनसगै रहको जग्गामा बैदिक विधि अनुसार पुजापाठ गर्दै नगर प्रमुख सरावगीले भवनको शिलान्यास गर्नु भएको हो ।
३ कठा १० धुर जग्गामा निर्माण हुने नवनिर्मित तिनतल्ला भवनमा ३० वटा अत्याधुनिक कोठाहरु निर्माण गरिने योजना प्रमुख शैलेन्द्र श्रेष्ठले बताउनु भयो । क्षेत्रीय अर्बन विकास परियोजना (आरयुडिपि) अन्तर्गत ६ करोडको लागतमा निर्माण हुने भवनको ठेक्का जेटिएसजे र कालिका निर्माण कम्पनिले ज्वान्टभेर्चर रुपमा लिएको छ ।
एशियन विकास बैंक,नेपाल सरकार र वीरगन्ज महानगरपालिकाको लगानिमा निर्माण भइरहेको यो भवन जिल्लाकै नमुना विद्यालयको रुपमा निर्माण हुने नगर प्रमुख सरावगीले बताउनु भयो । उहाले विरगंज महानगरपालिकाको अथक पहल पछि निर्माण हुन गइरहेको बताउनु भयो ।
निर्माण हुन गइरहेको भवनमा कक्षाकोठा, पुस्कालय ,कम्पीयुटर तथा विज्ञान प्राविधिक प्रयोगशाला लगायतका सबै अत्याधुनिक कक्षहरु संचालन गर्न सकिने व्यवस्था गरिएको नगर प्रमुख सरावगीको राजनिती सल्लाहकार मुकेश दुबेदिले जानकारी दिनु भयो ।
विद्यालय भवन निर्माण भइसके पछि दशकौं देखि अधुरो रहेको सेकेन्ड इनरवाइपास सडकलाई पुर्णता दिन सहिने भएको र विद्यालयलाई व्यवस्थीत हुने भएकोले बताउदै यसबाट यसक्षेत्रमा राम्रो सन्देश गएको नगरसिहं माध्यमिक बिद्यालय व्यवस्थापन समितिका अध्यक्ष एवम नेपाली काँग्रेसका नेता रामनारायण कुर्मिले बताउनु भयो ।