Date
शुक्र, मंसिर ४, २०८३
Fri, November 20, 2026
Home Blog Page 895

निर्वाचनको तयारीमा जुट्न प्रधानमन्त्रीको आह्वान

0

काठमाडौं । प्रधानमन्त्री केपी शर्मा ओलीले मध्यावधि निर्वाचनको तयारीमा जुट्न आहृवान गरेका छन् । प्रतिनिधिसभा विघटन गरेर वैशाख १७ र २७ मा निर्वाचान घोषणा गरेको भोलिपल्ट सोमबार दिउँसो देशबासीलाई सम्बोधन गर्दै ओलीले निर्वाचनको तयारीमा जुट्न आहृवान गरेका हुन् ।

‘निर्वाचनमा जाँदा संविधान अप्ठ्यारोमा पर्छ, लोकतन्त्र संकटमा पर्छ र मुलुक अस्थिरतातर्फ धकेलिन्छ भनेर चलाउन खोजिएका प्रचार र भ्रमहरु निराधार छ’ उनले भने, ‘राजनीतिक स्थिरताको प्रत्याभूति गर्ने निर्णायक तत्व जनताको अभिमत हो । तसर्थ कुन कुरामा नअल्मलिई आम निर्वाचनको तयारीमा जुट्न आहृवान गर्दछु ।’

संसद विघटनविरुद्ध संसदमा बहुमत जुटाउने गृहकार्य सुरु, कांग्रेस र जसपासंग परामर्श गर्र्दै नेकपा

0

काठमाडौं । संसद विघटन गर्ने सरकारको निर्णय विरुद्ध प्रतिनिधिसभामा बहुमत जुटाउने गृहकार्य सुरु भएको छ । प्रतिनिधिसभामा १३८ सांसद बहुमत हुनेछ ।

सत्तारुढ नेपाल कम्युनिष्ट पार्टी ९नेकपा० का कार्यकारी अध्यक्ष पुष्पकमल दाहाल प्रचण्ड र वरिष्ठ नेता माधवकुमार नेपाल पक्षले ९० सांसदको हस्ताक्षर सहित अविश्वासको प्रस्ताव दर्ता गरिसकेका छन् ।

यसमध्ये ८७ सांसदले सर्वोच्चमा रीट दायर गर्ने तयारी भएको थियो । तर, प्रतिनिधिसभाकै बहुमत सांसद पुर्‍याउन गृहकार्य भएपछि नेकपा सांसदहरुको मात्रै रिट बुझाउने कार्य रोकिएको छ ।

त्यसका लागि प्रतिपक्षी दलहरु नेपाली काँग्रेस र जनता समाजवादी पार्टीसँग नेकपाले परामर्श गर्दैछ । हिजै काँग्रेस र जसपाका नेताहरुसँग नेकपाका नेताहरुले छलफल गरेका थिए । आज पनि यो तीन पार्टीको बैठक बस्दैछ ।

‘संसदकै बहुमत पुर्‍याएर रीट दर्ता गर्ने तयारी भएपछि आज सर्वोच्च जाने संभावना कम छ । अब बहुमत सांसदहरु सर्वोच्च जान्छौं’, केन्द्रीय सदस्य रामकुमारी झाँक्रीले भनिन् ।

कालिकामाईका कृषकहरु तरकारी खेतीतर्फ आकर्षित

0

वीरगंज। पर्साको कालिकामाई गाउपालिका वडा नम्बर १ मुडलीका कृषकहरु तरकारी खेती तर्फ उन्मुख भएका छन । बिगत एक दशक अगाडी गाजा र अफिम खेती तर्फ आकर्र्षीत रहेका कृषकहरुले गाजा र अफिम खेतीको बैकल्पिक खेतीको रुपमा तरकारी खेती तर्फ आकर्षण बढाएका छन ।

स्थानिय कृषक सुरेन्द्र कुश्वाहाका अनुसार गाजा र अफिम खेतीमा मल पनि दोब्बर तेब्बर लाग्ने, रिक्स पनि त्यतिकै रहने, र बिक्री गर्न पनि भारतीय ब्यापारीको मुख हेर्ने टेन्सनबाट अब हामी मुक्त भएका छौ ।

एक कटठामा लगभग २ लाखको कोभि बिक्री गरिसकेको कुश्वाहाले बताए । अब कोभि पछि पुन प्याज र खुर्सानी तथा टामाटारको खेती गरी झन २ लाख कमाउन सक्ने बताए ।

एक कटठामा ५० हजार देखी एक लाख भन्दा बढीको अबैध गाजा र अफिम नहुने भएकोले त्यो रिक्स लिनु भन्दा तरकारी खेती नै उतम रहेको कुश्वाहाले बताए ।

कुश्वाहाका अनुसार हामा्रे कालिकामाई गाउपालिका देखी जिल्लाका अन्य गाउबाट पनि तरकारी खरिद गर्न दर्जनौ तरकारी ब्यपारी आउने गरेका छन । त्यती मात्र होईन , छिमेकी देश भारतको ईनार्व, मैनाटाड र सिक्टाबाट पनि ब्यापारीहरु तरकारी खरिद गरी भारतीय बजारमा बिक्री गर्ने गरेको बताएका छन ।

संसद विघटनलाई अदालतले उल्ट्याउन सक्दैन : प्रधानमन्त्री

0

काठमाडौं । प्रधानमन्त्री केपी शर्मा ओलीले सर्वोच्च अदालतले संसद पुनर्बहाली गर्न नसक्ने दाबी गरेका छन्।

आफूनिकटका नेतालाई बालुवाटार बोलाएर उनले संसद पुनर्बहाली हुन नसक्ने बताएका हुन्। सर्वोच्चले संसद पुनर्बहाली गर्न नसक्नुमा जनमतलाई आधार बनाएका छन्। विशेष समय लिएर लामो समय बोलेका ओलीले भने,‘६४ प्रतिशत जनमत लिएको प्रधानमन्त्रीले विघटन गरेको हो। अदालतले उल्टाउन सक्दैन।’

प्रधानमन्त्री ओलीले बोल्ने क्रममा धेरै समय प्रचण्ड र माधव समूहलाई निशाना बनाएका थिए। सरकारलाई असहयोग गरेको, सबै नियुक्तिमा भागवण्डा खोजेको,पार्टीभित्रै प्रतिपक्षको भूमिका खेलेको उनले आरोप लगाएका थिए।

कतातिर जान्छन् बादल, ओलीले बोलाएको भेलामा गृहमन्त्री बादल अनुपस्थित

0

काठमाडौं । संसद विघटनसँगै नेकपा नेताहरु केपी शर्मा ओली कि पुष्पकमल दाहाल प्रचण्ड समूहमा लाग्ने भनेर कित्ता क्लियर गर्ने अभियानमा छन् ।

सुरुबाटै खुलेका बाहेक केही नेताहरु अझै कुन कित्तामा लाग्ने भन्नेमा अझै अलमलमा छन् । त्यसै मध्येका पूर्व माओवादी समूहबाट गृहमन्त्री समेत भएका सचिवालय सदस्य रामबहादुर थापा बादल यदि पार्टी विभाजन भए कुन कित्तामा लाग्लान् भन्ने विषयलाई चासोका साथ हेरिएको छ ।

यद्यपी वादल हिजो दिनभरका घटनाक्रममा प्रचण्ड समूहका कार्यक्रममा कतैपनि सहभागी भएनन् । यति मात्रै होइन पूर्वमाओवादी समूहबाट मन्त्री भएका ५ जनाले राजनीनमा दिदाँ बादल र लेखराज भट्टले राजीनामा गरेनन् ।

यसअघिपनि बादल कुनैपनि समुहमा खुलिसकेका थिएनन्, तर ओलीलाई बढी साथ दिएका थिए । पार्टी विवाद चर्कदै जादा बादलले दुवै अध्यक्ष मिल्नुपर्छ भन्ने मध्यमार्गी लाइन समातेका थिए ।

बुधबार प्रचण्ड समूहले बोलाएको स्थायी समिति बैठकमा समेत सहभागी नभएका बादललाई अहिले उनको समूहका धेरै नेताहरुले प्रतिगमनलाई सहयोग पुग्ने ओलीको कदमलाई साथ दिन छोडेर परिवर्तनकारी कित्ता प्रचण्ड नेपाल समूहमा आउन दवाव दिइरहेका छन् ।

‘हामीले बादललाई ओलीको मतियार बन्नुहुन्न भनेर प्रेसर दिइरहेका छौ’ यसअघि मोहन वैद्यसँग छुटिएर माओवादी केन्द्रमा बादलसँगै आएका एक केन्द्रीय सदस्य भन्छन्, ‘हामी वैद्यबाट छुट्टिएर यता आएका ३५ जना केन्द्रीय सदस्य छौँ सवै ओलीको विपक्षमा छौँ । तर बादल खुल्नु भएको छैन ।

हामी उहाँलाई मनाउने प्रयास गरिरहेका छौ ।’उनका अनुसार ओलीको मतियार बन्नुभनेको प्रतिगमनलाई सहयोग गर्नु हो ।

त्यतिमात्रै होइन बादलका स्वकीय सचिव समेत रहेका सूर्य सुवेदी समेत बादलको कित्ताबारे केही बोलेका छैनन् । सुवेदीकी श्रीमति ज्ञानु बस्नेत समेत नेकपा केन्द्रीय सदस्य हुन् । बस्नेते ओलीको कदमको फेसबुकमार्फत विरोध गरिसकेकी छन् ।

यसैबीच बादल समूहको बैठक अहिले मन्त्री निवास पुल्चोकमा बसिरहेको छ । बैठकमा नेताहरु देव गुरुङ, पम्फा भुषाल र हितमान शाक्य लगायतका नेताहरुले ओली कित्ता छाडेर प्रचण्ड कित्तामा जान पुनर्विचार गर्न आग्रह गरिरहेका छन् ।

यही बेला बालुवाटारमा ओलीले बोलाएको निर्वतमान सांसदहरुको भेलामा पनि बादल गएका छैनन् । ओलीले बोलाएको भेलामा अत्यन्त थोरै मात्राका सांसदहरुमात्रै सहभागी भएको बताइएको छ ।

कलैयामा चिसोले आगो ताप्ने क्रममा जलेर एक महिलाको मृत्यु

0

वीरगंज । बाराको कलैयामा आगो ताप्ने क्रममा एक महिलाको मृत्यु भएको छ ।

चिसोबाट बच्न आगो ताप्ने क्रममा घाईते भएकी कलैया उपमहानगरपालिका– ३ गगांपुर बस्ने ७५ वर्षीय रामसवारी देवी कानुको मृत्यु भएको हो ।

आईतबार आफ्नै घरमा आगो ताप्ने क्रममा अचानक आगोमा लडी जलेर घाईते भएकी थिईन ।

घाईते कानुको वीरगंजस्थित नारायाणी अस्पतालमा उपचारको क्रममा आज बिहान मृत्यु भएको जिल्ला प्रहरी बाराका प्र्रहरी उपरिक्षक गौतम मिश्रले जानकारी दिए । मृत्यको शव अहिले अस्पतालमै रहेको उपरिक्षक मिश्रले बताए ।

आधिकारिक ट्रेड युनियन पर्साका अध्यक्ष यादव सेवा निवृत्त, संगठनद्वारा विदाई

0

वीरगंज । निजामती कर्मचारीहरुकाे आधिकारिक ट्रेड युनियन पर्साका अध्यक्ष सुबदार यादव निजामती सेवाबाट सेवा निवृत्त भएका छन् ।

सेवा निवृत्त भएका अध्यक्ष यादवलाई उनी आवध रहेका नेपाल निजामती कर्मचारी संगठन पर्साले आइतबार एक कार्यक्रमकाे बिच बिदाई गरेकाे छ । सघन शहरी तथा भवन निर्माण कार्यालय वीरगंजका भएकाे कार्यक्रममा नेपाल निजामती कर्मचारी संगठन पर्साका अध्यक्ष अमिति कुमार गिरी, नेपाली निजामती कर्मचारी युनियन संघका केन्द्रिय सदस्य मनाेज तिवारी, राजेश्वर प्रसाद तेली, मदन सत्याल लगायतकाले गमछा, फुलकाे माला र अविरकाे टिका लगाएर विदाई गरेका थिए ।

सघन सहरी तथा भवन निर्माण कार्यालय वीरगंज मै कार्यरत रहेका यादवकाे विदाई गर्दै कार्यक्रमका सहभागिहरुले अगामी जीवन शुखमय हाेस भन्दै शुभकामना समेत व्यक्त गरेका थिए ।

उनी नेपाल निजामती कर्मचारी संगठनबाट नै निर्वाचित भएर निजामती कर्मचारीहरुकाे आधिकारिक ट्रेड युनियनकाे अध्यक्ष भएका थिए । यादव निजामती कर्मचारी भएर ३७ बर्ष सेवा गरेपछि ५८ बर्षकाे उमेर नियमित अवकाश पाएका हुन् ।

ओलिले दुस्साहस गरे : केन्द्रिय सदस्य आलम

0

वीरगंज । नेपाल कम्युनिष्ट पार्टी (नेकपा) निकट अनेरास्ववियुका केन्द्रिय सदस्य जुबैर आलमले प्रधानमन्त्री केपी शर्मा ओलीले संसद विघटन गरेर दुस्साहस गरेको बताएका छन् ।

पाँच वर्षका लागि जनताले दिएको जनादेश कुल्चेर संसद विघटन गर्ने प्रस्ताव ल्याउनु संविधान विपरितको काम भएको भन्दै आलमले प्रधानमन्त्री ओलीकाे कडा आलाेचना गरेका हुन् । उनले जनताले दिएकाेबहुमतकाे अपमान गर्दै ओलीले देश र जनतालाई धोका दिएको प्रतिक्रिया जनाएका छन् ।

कालिका टाइम्ससंग कुरा गर्दै केन्द्रिय सदस्य आलमले भने “धेरै विकल्प हुदा हुदै पनि ओलीले समस्या समाधान नखाेजेर, उल्टै भाग्ने दुस्साहस गरे, जुन कम्युनिष्ट आन्दोलन र देश तथा जनताका लागि सरासर धोका हो ।”

उनले प्रधानमन्त्रीको कदमको चौतर्फी प्रतिरोध हुनुपर्ने बताए । जनादेश कुल्चिने अधिकार कसैलाई पनि नभएको भन्दै ओलीले दिएको धोकाको प्रतिवाद नेपाली जनताले गर्ने आलमले दाबी गरे ।

संसद विघटनकाे विरुद्धमा जसपाद्वारा पनि वीरगंजमा प्रदर्शन

0

वीरगंज । संसद विघटनकाे विरुद्धमा जनता समाजवादी पार्टी (जसपा) पर्साले पनि वीरगन्जमा विरोध प्रदर्शन गरेको छ ।

आइतबार सांझ वीरगंजकाे घन्टाघर चाेकमा जसपाका नेता तथा कार्यकर्ताहरूले केपी ओलीविरुद्ध नारा लगाउँदै प्रदर्शन गरेका हुन् ।प्रदर्शनकाे क्रममा प्रदर्शनकारीहरुले टायर बालेर प्रदर्शन गर्न खाेज्दा प्रहरीले हस्तक्षेप समेत गरेकाे थियाे ।

विरोध प्रदर्शनमा सहभागी भएका जसपाका नेता लक्ष्मणलाल कर्णले प्रधानमन्त्री केपी ओलीले संसद् विघटन गरेर लोकतन्त्रको हरण र संविधानको धज्जी उडाएको आरोप लगाए । 

उनले विभिन्न आन्दोलनले बलिदानी दिएर जनताले लडेर ल्याएको लोकतन्त्र र संविधानमाथि प्रधानमन्त्री ओलीले प्रहार गरेको बताए ।

प्रदर्शनमा जसपा नेता शिव पटेल, नेजामुदिन सम्मानी, ओमेप्रकाश सर्राफ, जगदिश पटेल, उमेश सहनी लगायकाे सहभागिता रहेकाे थियाे ।

संसद विघटनकाे विरुद्धमा कलैयामा टायर बालेर प्रदर्शन

0

वीरगञ्ज । संघीय संसद विघटनकाे विरुद्धमा देशभर विरोध प्रदर्शन सुरु भएकाे छ ।

सोही क्रममा बारा जिल्लाको सदरमुकाम कलैया उपमहानगरपालिकामा नेकपाका नेता तथा कार्यकर्ताहरुले संसद विघटन गर्ने प्रधानमन्त्री केपी शर्मा ओली र राष्ट्रपती विद्यादेवी भण्डारीको विरोधमा टायर बालेर प्रदर्शन गरेका छन् ।

नेकपा जिल्ला कमिटी सदस्य ध्रुव यादवसहितका नेता तथा कार्यकर्ताहरुले टायर बालेर प्रदर्शन गरेका थिए । प्रदर्शनका क्रममा प्रदर्शनकारीहरु चक्राे नाराबाजीसमेत गरेका थिए ।

संसद विघटन खारेज गर, असंवैधानिक कदम फिर्ता गर लगायतका नारा लगाउँदै उनीहरुले विरोध प्रदर्शन गरेका थिए । 

प्रदर्शनमा नेकपाका अध्यक्ष पुष्पकमल दाहाल प्रचण्ड, वरिष्ठ नेता माधवकुमार नेपाल पक्षका बाराका नेता तथा कार्यकर्ताहरुकाे सहभागिता रहेकाे थियाे ।