Date
शुक्र, मंसिर ४, २०८३
Fri, November 20, 2026
Home Blog Page 832

वीरगंजका नगर प्रहरी र अग्नी नियन्त्रकलाई क्षमता अभिवृद्धि तालिम

0

वीरगंज । वीरगंज महानगरपालिकाले नगर प्रहरी र अग्नी नियन्त्रकलाई विपद प्रतिकार्य सम्बन्धी क्षमता अभिवृद्धि तालिम प्रदान गरेको छ ।

महानगरपालिकाको सहकार्यमा नेपाली सेनाको चण्डी प्रसाद गण र प्रदेश नम्बर २ बिपद ब्यवस्थापन गणद्वारा वीरगंज महानगरपालिकामा चार दिने बिपद प्रतिकार्य सम्बन्धि क्षमता अभिबृद्धि तालिम शुरु भएको हो ।

तालिमको वीरगंज महानगरपालिकका नगर प्रमुख विजय कुमार सरावगीले उद्घाटन गरेका थिए । विपदका समयमा महानगरको प्रहरीलाई सक्रिय बनाउनका लागि क्षमता अभिवृद्धि तालिमको आवश्यकता भएकोले तालिम दिईएको महानगर प्रमुख सरावगीले बताए ।

उनले महानगरक्षेत्रमा आईपर्ने विभिन्न विपदका घटनाहरुमा तत्काल पुगेर नियन्त्रणमा लिन र उद्दार गर्न तालिमको आवश्यकता महशुस गरेर नगर प्रहरीको क्षमता अभिवृद्धिका लागि तालिमको आयोजना गरिएको बताए ।

नेपाली सेना र प्रदेश २ विपद व्यावस्थापन गणका प्रशिक्षकहरुले ९ जना नगर प्रहरी र ९ जना अग्नी नियन्त्रक गरी १८ जनालाई विपद प्रतिकार्य सम्बन्धी तालिम दिईरहेका छन् ।

तालिमको उद्घाटन सत्रमा पर्साका सहायक प्रमुख जिल्ला अधिकार ध्रुव गिरी, नेपाली सेनाको चण्डी प्रसाद गणका गणपति मदनजंग राणा, पर्साका प्रहरी उपरीक्षक बेल बहादुर पाण्डे, सशस्त्र प्रहरी उपरीक्षक राजेन्द्र खड्का, राष्ट्रिय अनुसन्धानका उपअनुसन्धान निर्देशक टिका पोखरेल, नेपाल रेडक्रस सोसाईटी पर्साका सभापति विरेन्द्रराज कडेँल लगायतको उपस्थिति रहेको थियो ।

वीरगंजमा थप ७८ जनामा काेराेना संक्रमण पुष्टि

0

वीरगंज । पर्सामा पछिल्लो समयकै सबैभन्दा धेरै कोरोना भाइरस अर्थात कोभिड-१९ का सङ्क्रमित थपिएका छन् । पर्सामा चैतको अन्तिम सातादेखि सङ्क्रमित बढेपनि पहिलो पटक साेमबार एकैदिनमा ६२ जना सङ्क्रमित थपिएका छन् ।

वीरगञ्जस्थित नारायणी अस्पतालको प्रयोगशालामा १ सय ४१ जनाको आरटी-पिसिआर प्रविधिबाट थ्रोट स्वाबको नमुनालाई परिक्षण गर्दा पर्साका ६२ जनासहित ७८ जनामा कोरोना भाइरस सङ्क्रमण पुष्टि भएको हो ।

अन्य थपिएका सङ्क्रमितहरु बाराका १२ जना, सर्लाहीका २ जना, बागमती र नेपालगञ्जका एक/एक जना छन् ।

अस्पतालका कोभिड संयोजक डा. सरोज रोशन दासले उपलब्ध गराएको विवरण अनुसार थपिएका अधिकान्स सङ्क्रमित पर्साको सदरमुकाम वीरगञ्ज महानगरको विभिन्न वडाका वासिन्दा हुन् ।

पर्सा जिल्लामा थपिएका सङ्क्रमितमध्ये वीरगञ्जको विभिन्न वडाका ५२ जना, पर्सागढी नगरपालिकाका ३ जना, पकाहामैनपुर र ठोरी गाउँपालिकाका २/२ जना, बिन्दबासिनी, सखुवापर्सौनी र कालिकामाई गाउँपालिकाका १/१ जना रहेको डा. दासले जानकारी दिए । 

त्यसैगरी बारा जिल्लाको सदरमुकाम कलैया उपमहानगरपालिकाका ४ जना, प्रसाैनी गाउँपालिकाका २ जना, परवानीपुर गाउँपालिकाका, निजगढ नगरपालिकाका, महागढीमाई नगरपालिकाका, जितपुरसिमरा उपमहानगरपालिकाका र बिष्णुपुरुवाका १/१ जना सङ्क्रमित भएको उनले बताए ।

त्यस्तै सर्लाहीको मलंगवा र लालबन्दीका १/१ जना, नेपालगञ्जको गणेशपुरका र काठमाडौँको बागमतीका १/१ जनामा पनि सङ्क्रमण देखिएको छ ।

थपिएका सङ्क्रमितमा ४ वर्षीय बालकदेखि ७५ वर्षीय वृद्धसमेत रहेका छन् । उनीहरुको सिटि भ्यालु १३.१ देखि ३५.५ सम्म रहेको डा. दासले जानकरी दिए ।

वीरगन्जमा अहिले ३२ जना संक्रमित अस्पतालमा उपचाररत छन् । नारायणी अस्पतालमा २३ जना र बयोधा अस्पतालमा ९ जना संक्रमित उपचाररत रहेको नारायणी अस्पतालका कोभिड कोर्डिनेटेर डाक्टर दासले जानकारी दिए ।

नारायणी अस्पतालमा १७ जना संक्रमित आइसियुमा र ६ जना संक्रमित आइशोलेसन वार्डमा उपचाररत रहेको उनले बताए ।

वीरगन्जमा संक्रमण पुष्टि भएका कोरोनाका सामान्य लक्षण भएका संक्रमितहरुलाइ भने होम आइशोलेसनमा पठाउने गरिएको डाक्टर दासले जानकारी दिए । कोरोना संक्रमणका कारण पछिल्लो एक हप्तामा पर्सा र बाराका ५ जनाले ज्यान पनि गुमाइसकेका छन् । 

वीरगंजमा विना मास्क घर बाहिर निस्केका ४ सय ४२ जनालाई कारवाही

0

वीरगंज । पर्सामा स्थानीय प्रशासनले बिना मास्क घर बाहिर निस्कने व्यक्तिलाई दण्डित गर्ने सुरु गरेको छ । साेमबार मात्र वीरगंजमा विना मास्ककाे भेटिएका ४ सय ४२ जनालाई कारवाही गरिएकाे छ ।

वीरगंजमा मेन राेडमा विना मास्क निस्केका ४ सय ४२ जनालाई एक सयकाे दरले जरिवाना गरिएकाे जिल्ला प्रहरी कार्यालय पर्साले जनाएकाे छ ।

जिल्ला प्रहरी कार्यालय पर्साका प्रहरी निरिक्षक दिपेन्द्र श्रेष्ठकाे नेतृत्वमा वीरगंजकाे घण्टाघरमा खटेकाे प्रहरी टाेलीले विना मास्क निस्केकाहरुलाई कारवाही गरेकाे थियाे । जुन टाेलीमा ट्राफिक प्रहरी र नगर प्रहरीकाे समेत सहभागिता रहेकाे थियाे ।

संक्रामक रोग ऐन २०२० बमोजिम जिल्ला प्रशासन कार्यालय पर्साको निर्देशन अनुसार पर्सा प्रहरीको मातहतमा रहेका प्रहरी युनिटहरुल नलगाउँनेलाई कारवाही गर्ने कार्य अघि बढाएको जिल्ला प्रहरी कार्यालय पर्साले जनाएको छ ।

बिना मास्क बजारमा भेटिएकाहरुलाई प्रहरीले समातेर एक पटकको लागि सय रुपैयाँ जरिवाना तिराउँने र समझाईबुझाई अब उपरान्त बिना मास्क घरबाहिर ननिस्कने सर्तमा एक थान मास्क समेत दिएर छोडेको जिल्ला प्रहरी कार्यालय पर्साका प्रहरी नायब उपरिक्षक (डिएसपी) ओमप्रकाश खनालले बताए ।

सोमबार बिहानैदेखि पर्सा प्रहरीले वीरगञ्ज महानगरपालिकाको घण्टाघर चौक, माइस्थान, भानुचौक, रानीघाट लगायतको ठाउँमा मास्क बिना हिडेकाहरुलाई कारवाही गरेको थियाे । 

कोरोनाभाइरस महामारीको दोस्रो लहरको कारण सिमावर्ती जिल्ला पर्सा र बाराको अवस्था भयावह बनिरहेको बेला स्थानीय प्रशासनको आग्रहलाई अटेरी गर्दै स्वास्थ्य सुरक्षा मापदण्ड पूरा नगर्ने व्यक्तिमा जनचेतना अभिवृद्धि गर्न यस्तो गरिएको छ ।

प्रशासनले महामारीको प्रभावबाट जोगिन स्वास्थ्य सुरक्षा मापदण्ड पालन गर्दै भिडभाड नगर्न आग्रहसमेत गरेको छ ।