वीरगंज । वीरगंज महानगरको विभिन्न वडामा नेकपा (माओबादी केन्द्र) को वडा कमिटी गठन भएको छ । वीरगंज महानगरपालिकाको वडा नं. १४,१६,२० र ३२ मा वडा कमिटी गठन भएको हो । वीरगंज महानगरपालिकाको वडा नं. १६ मा बुधबार भएको नेकपा (माओबादी केन्द्र)को वडा भेलाले सुरेश रामको अध्यक्षतामा १५ सदस्यीय वडा समिति गठन गरेको छ ।
माओबादीका प्रदेश नं. २ का प्रदेश समिति सदस्य रामदरश कुशवाहा, वीरगंज महानगर अध्यक्ष रहबर अन्सारी, जिल्ला सदस्य सलाम अंसारी, प्रभु यादव, राजु बैठा, रुपनरायन सिंह, टुनटुन तिवारी लगायतको विशेष उपस्थितीमा वडा कमिटी गठन भएको अखिल (क्रान्तिकारी)का केन्द्रिय सदस्य तथा जिल्ला ईन्चार्ज महमद जुबेर आलमले वताए ।
यस्तै, यस अघि वीरगंज महानगरपालिकाको वडा नं.१४ मा महेश पतेलको अध्यक्षतामा ११ सदस्यीय, वडा नं. १६ मा सुरेश रामको अध्यक्षतामा १५ सदस्यीय, वडा नं. २० मा हदिश मियाको अध्यक्षतामा १३ सदस्यीय, वडा नं. ३२ मा वजिर अन्सारीको अध्यक्षतामा ४१ सदस्यीय वडा कमिटी गठन भएको उनले जानकारी दिए ।
