[real3dflipbook id=”162″]
आमाको माया छात्रावासको उद्घघाटन भदौ १७ गते हुने
वीरगंज । वीरगंजको आदर्शनगरस्थित आमाको माया छात्रावासको यहि भदौ १७ गते उद्घघाटन हुने भएको छ । आमाको माया छात्रावास सन्चालक समितिका अध्यक्ष भवरलाल पारिकको अध्यक्षतामा आज बसेको बैठकले यहि भदौ १७ गते बिहीबारका दिन बिहान ८ः३० बजे उद्घघाटन कार्यक्रम रहेको र त्यसको तयारीको लागि समितीले विभिन्न कमिटी गठन गरि जिम्मेवारी दिएको समेत बताए ।
छात्राबाँस रङ्गरोगन, मंच सजावट, अतिथि स्वागत सत्कार र भोजन ग्रहणको लागि कार्यसमितीका उपाध्यक्ष राजकुमार दारुका , सदस्य शिवम केडिया , प्रेम थुलुङ्ग र महेश हास्दालाई जिम्मेवारी दिएको बैठकले निर्णय गरेको छ ।
कार्यक्रमका प्रमुख अतिथि भारत मुम्बईका अखिल भारतीय वनवासी कल्याण आश्रमको मार्ग दशक श्री सोमया जुलु ज्युले उद्घघाटन गर्नु हुने कार्यक्रम रहेको छ । सोमयाले २२–२३ बर्ष देखि जनजातीहरुको हकहितको लागि काम गर्दै आईरहनु भएको छ । अहिलेसम्ममा ११ करोड जनजातीको लागि शिक्षा, स्वास्थ्य, सस्कृति देखि सबै क्षेत्रमा उहाको योगदान रहेको समेत जानकारी गराईएको थियो ।
बैठकमा जनजाति कल्याण आश्रमका राष्ट्रिय अध्यक्ष सुरेश रुङ्ग्टा , आमाको माया छात्रावासका उपाध्यक्ष राजकुमार दारुका, कोषाध्यक्ष मनोज गाडिया, सदस्य गणेश खेतान, शिवम केडिया, जनजाति कल्याण आश्रम राष्ट्रिय संगठनका सचिव मिलन भट्ट, महासचिव प्रेम थुलुङ्ग, सदस्य रघु हास्दा, श्रधाजागरण प्रमुख चन्दुलाल, राष्ट्रिय सस्कार प्रमुख महेश हास्दा, कार्यालय प्रमुख मदन चौधरी, छात्रावास वीरगंज प्रमुख रुपेश हास्दा, सन्चारकर्मी अजित कुमार भुजेल लगायतकाको सहभागिता रहेको थियो ।
अनेरास्ववियू (क्रान्तिकारी) जीतपुर सिमराको सम्मेलन सम्पन्न, संयोजकमा दिपेन्द्र यादव चयन
बारा । नेपाल कम्युनिष्ठ पार्टी (माओवादी केन्द)्रं निकट अनेरास्ववियू (क्रान्तिकारी) जीतपुर सिमरा उप–महानगरपालिकाकाको सम्मेलन शनिबार सम्पन्न भएको छ । सिमरा उपमहानगरपालिका वडा नं. २ को कार्यालयमा भएको सम्मेलनले दिपेन्द्र यादवको संयोजकत्वमा ११ सदस्यीय पदाधिकारीसहित ६५ सदस्यीय नगर समिति गठन गरेको छ ।
नवगठित समितिको उपाध्यक्षमा शर्मिला गौतम, शशिकान्त चौधरी, श्याम सुन्दर पासवान, भवानी थापा, सचिवमा तोप बहादुर श्रेष्ठ (रवि), सहसचिवमा, आदित्य लाम्साल, सुनील शर्मा, रोशन घलान, दिलशाद आलम र कोषाध्यक्षमा शुष्मा श्रेष्ठ चयन भएका छन् । यस्तै, समितिको सदस्यमा रितिका अधिकारी, प्रसांत बजागाई, राजन पासवान, शुसिल दाहाल, दिपा न्यौपाने, सुरज वाग्ले गोपाल ढकाल, अमित राज बंशी, अमिर अंसारी, सुमेश साह, रामलाल यादव लगायतका रहेका छन् ।
अनेरास्ववीयु (क्रान्तिकारी) केन्द्रीय उपाध्यक्ष रवि किरण यादवको प्रमुख आतिथ्यतामा भएको कार्यक्रममा माओवादी केन्द्र प्रदेश २ सदस्य राजन पौडेल, अखिल क्रान्तिकारी प्रदेश संयोजक सूर्यनारायण साह, सह–संयोजक प्रभाकर साह, स्वयंसेवक बिभाग प्रदेश २ का संयोजक इश्कÞ कुमार पासवान, जिल्ला इन्चाज दिनेश यादव, अखिल नेपाल महिला संघकी जिल्ला अध्यक्ष सोभा कार्की, जिल्ला कमिटी सदस्य रामचन्द्र अधिकारी, वड़ा नं.२२ का वडा अध्यक्ष मणिक लाल थिंग, अखिल क्रांतिकारी वीरगंज महानगर अध्यक्ष विवेक साह, युवानेता सन्दीप यादव, अभिषेक ठाकुर, रामबाबू मण्डल लगायतको उपस्थिति रहेको थियो ।
पत्रकारको सुरक्षाप्रति राज्यले विशेष ध्यान दिनु पर्छ : सञ्चार मन्त्री साह
वीरगंज । प्रदेश नम्बर २ का आन्तरिक मामिला तथा सञ्चार मन्त्री भरत प्रसाद साहले सञ्चार क्षेत्रमा देखिएका समस्यालाई व्यवस्थित रुरुपमा हल गर्दै पत्रकारको क्षमता अभिबृद्धिका लागि आगामी दिनमा मन्त्रालयले ठोस कार्यक्रम ल्याउने बताउनु भएको छ । रेडियो बीरगंज, टिभी बीरगंज एवं तेली कल्याण समिति पर्साद्वारा आज रेडियो परिसरमा आयोजित स्वागत कार्यक्रमलाई सम्बोधन गर्दै मन्त्री साहले रौतहटको घटनाले पत्रकारको सुरक्षाप्रति पनि राज्यले विशेष ध्यान दिनु पर्ने आवश्यकता देखिएको बताउनु भयो ।
उहाँले समानुपातिक रुपमा विज्ञापन वितरण नगरेर विगतमा आफ्ना आसेपासे, निकटका व्यक्ति तथा दलाली गर्नेलाई मात्र विज्ञापन दिने प्रथालाई आपूmले तोडेर आवाज विहिन जनताको पक्षमा आवाज उठाउने मिडियालाई विज्ञापन दिने नीति अवलम्वन गरिने बताउनु भयो । उहाँले प्रदेश २ मा धेरै संचारमाध्यम संकटमा परेको आफूले देखेको बताउदै अब प्रदेशमा आवश्यकता अनुसार चल्ने सक्ने पूर्वाधार भएका छापा तथा रेडियो, टिभीलाई मात्रै संचालनको अनुमति दिने नीति ल्याईने जानकारी दिनुभयो ।
सञ्चारमन्त्री साहले च्याउ उम्रिएझै खुलेका मिडियाहरुरुलाई व्यवस्थित गर्न प्रदेश सरकारले मिडिया काउन्सिल मार्फत काम गर्ने जानकारी दिनु हुदै विगतमा के भयो, भन्ने तर्फ भन्दा अब के गर्नु पर्छ भन्ने तर्फ आफू लागेको बताउनु भयो । कार्यक्रममा रेडियो वीरगंज एवं टिभी बीरगंजका कार्यकारी अध्यक्ष ध्रुव साहले पर्सामा पत्रकार महासंघको नेतृत्वले सञ्चारकर्मीहरुरुलाई विभेद गर्दै आएको बताउनु भयो । तेली समाज पर्साका अध्यक्ष समेत रहनु भएका साहले पर्सामा आफ्नो समाज समृद्ध रहेको र समाजको हितका लागि आफूहरुरुले काम गर्दै आएको बताउनु भयो ।
उहाँले तेली समाजवाट मन्त्री हुनु भएका भरत प्रसाद साहलाई समाजको तर्फ बाट शुभकामना व्यक्त गर्दै समाजको हितका लागि काम गर्न समेत आग्रह गर्नु भयो । सो अवसरमा मन्त्री साहले रेडियो वीरगंज तथा टिभी बीरगंजको नवनिर्मित स्टुडियो सहित सम्पूर्ण कार्यकक्ष स्थलगत अवलोकन समेत गर्नु भएको थियो ।
कार्यक्रममा प्रदेश सभा सदस्य पस्मिना कादरी नेकपा माओवादी केन्द्रका केन्द्रिय सदस्य गोपाल ठाकुर केन्द्रिय सदस्य, प्रदेश सदस्य छोटेलाल यादव, अखिल क्रान्तिकारीका केन्द्रिय सचिव एवम् प्रदेश अध्यक्ष सुर्यनारायण साह, अखिल क्रान्तिकारीका केन्द्रिय सदस्य एवम् मन्त्री साहका स्वकीय सचिव शिवम साह , तेली कल्याण समाज पर्साका पदाधिकारी तथा सदस्य, संचारकर्मी लगायतको सहभागिता रहेको थियो ।
भारत भ्रमणमा गएका पर्साका पत्रकारहरूलाई पन्जाबको मोगामा सम्मानसहित बिदाई
वीरगंज । भारत भ्रमणमा गएका नेपालका पत्रकारहरूले पन्जाबको मोगा सरहमा रहेका आधुनिक कृषि औजार बनाउने कलकारखाना र आधुनिक प्राविधिकद्वारा गरिएको कृषि खेतीको अवलोकन गरेका छन् । रेडियो वीरगंजका कार्यकारी अध्यक्ष ध्रुव साहको नेतृत्वमा भारत भ्रमण रहेका वीरगंजका १४ जना क्रियाशील पत्रकारहरूको समूहले कृषि उपकरण निर्माण गर्ने माधो एग्रो इन्डस्ट्रिज र अख्तियार एग्रो किङ्गको अवलोकन गरेका हुन ।
पत्रकारहरूको समूहले आधुनिक कृषि उपकरण र आधुनिक प्रविधिबाट गरिएको खेतीको अवलोकन गर्दै यस्ता प्रविधिहरू नेपालमा पनि भित्र्याउनु पर्ने बताए । अवलोकन भ्रमण पश्चात् माधो एग्रो इन्डस्ट्रिजका संचालक अख्तियार सिंहले अवलोकन भ्रमणमा रहेका पत्रकारहरूको समूहलाई सम्मान बिदाइ गरेका थिए । उहाँले सम्मान स्वरुप मायाको चिनो प्रदान गर्दै पत्रकारहरूलाई बिदाइ गर्दै नेपाली पत्रकारको पन्जाब भ्रमणले नेपालको कृषि आधुनिक खेतीमा विकास हुने विश्वास व्यक्त गर्नु भयो । नेपाली पत्रकारहरूले पनि उहाँलाई नेपालको झन्डा अङ्कित मायाँको चिनो प्रदान गरी धन्यावाद दिएका थिए ।
साउन २५ गते भारतको पन्जाब, जम्मु काश्मीर, उत्तराखण्ड र दिल्लीको अवलोकन भ्रमणमा पत्रकार ध्रुव साह, बृजलाल पासवान, मनोज पटेल, नरेश सरार्फ, शम्भु कुमार सुमन, अजय चौरसिया, हरिशंकर शर्मा, अमित साह, सन्तोष साह, रन्जित चौरसिया, विनोद पटेल लगायत सहभागी छन् ।
नेपालका पत्रकारलाई भारतको जम्मुमा सम्मान
कार्यक्रमलाई सम्बोधन गर्दै चेम्बर अफ कमर्स जम्मुका अध्यक्ष गुप्ताले भारत सरकारद्वारा ५ अगस्ट २०१९ मा अनुच्छेद ३७० र ३५ (ए) खारेज पछि बर्षाै देखी अपेक्षित समुदायले न्याय पाएकाे वताए ।
उनले बर्षाैं देखी जम्मु कश्मिरमा बसाेबास गर्दै आएका बालमिकी, गाेर्खाली, पश्चिमी पकिस्तानी शर्णाथी लगायतका उपेक्षित समुदायहरुले न्याय पाएकाे वताए ।
कार्यक्रममा सहभागी गोर्खा समाजकी अध्यक्ष करुण क्षेत्रीले विगत २ सय वर्षदेखि बसोबास गरि देशको सुरक्षा गर्दै आएपनि आफूहरुको कुनै पहिचान नरहेको अवस्थामा नरेन्द्र माेदी नेतृत्व सरकारको ऐतिहासिक निर्णणले आफूहरुलाई अधिकार पाएको वताइन ।
‘अहिले गोर्खा समाजका बालबालिकाहरुले आफ्नो अधिकार पाएका छन् । अध्ययन गर्न पाएका छन् । सरकारी निकायको उच्च स्थानमा जागिर खाने भएका छन्’, भन्दै अध्यक्ष क्षेत्रीले भारत सरकारले आफूहरुलाई केही अधिकार दिएपनि केही अधिकार अझै बाँकी रहेको गुनासो पोखिन् ।
सरकारले आफूहरुलाई यहाँका नागरिक सरह अधिकार दिएपनि केही अधिकारको कमीको कारण आफूहरु यहाँ जग्गा जमिन, घर खरिद गर्न सक्ने अवस्था नरहेकोले त्यो बाधा ब्यवधान हटाई दिन भारत सरकारसँग आग्रह गरिन् । उनले आफूहरु यहाँका प्रशासनक निकायका परिवार सरह नै रहेकोले तिनीहरुले भारत सरकारबाट पाउने सेवा सुविधा आफूहरुले पनि पाउनुपर्ने माग गरिन् ।
यसैगरि रिफियूजी समाजका अध्यक्ष लभराम गान्धीले सन् १९४७ मा भारत पाकिस्तान बटवारा हुँदा अहिले पाकिस्तान रहेको स्थान (तत्कालीन भारत) बाट घरबार छाडेर जम्मु कस्मिरमा आएर बसोबास गर्दै आएकोमा भर्खरै २ वर्षदेखि मात्रै आफूहरु स्वतन्त्रता प्राप्त गरेको बताए । भारतले ७५ वर्ष अघि स्वतन्त्रता प्राप्त गरेको भएपनि आफूहरुले सन् २०१९ अगस्ट ५ मा मात्रै स्वतन्त्रता प्राप्त गरेको बताए ।
भारत–पाकिस्तान बट्वाराको समयमा तत्कालीन भारतीय प्रधानमन्त्री जवाहरलाल नेहरुको निर्देशनमा भारतीय नागरिक सरह नै अधिकार पाउने गरि यहाँ आएर बसोबास गरेको तर आफूहरु आफ्नो आधार कार्डलगायत भोटर कार्डबाट बञ्चित हुँदै आएको अवस्थामा सन् २०१९ अगस्ट ५ मा भएको ऐतिहासिक निर्णयले आफूहरुलाई स्वतन्त्रता प्राप्त भएको बताए ।
साथै गान्धीले गणतान्त्रिक मुलुकमा पनि आफूहरु लामो समयदेखि आफ्नो अधिकारबाट बञ्चित हुँदै आएको तर, अहिले भारत सरकारले आफुहरुको अधिकार दिएको भन्दै प्रधानमन्त्री मोदीलाई पनि धन्यवाद दिए ।
जम्मु कस्मिर सरकारले विगत ६० वर्ष अघि सरसफाई गर्नका लागि २७१ परिवारलाई ल्याएर जम्मु कस्मिरको विभिन्न स्थानमा राखेको तर हालसम्म यहाँको नागरिक सरह सेवा सुविधा नदिई अधिकारबाट बञ्चित गर्दै आएको तर दुई वर्षअघि मात्रै आफूहरुले आफ्नो अधिकार प्राप्त गरेकोले आफूहरु सन् २०१९ मा स्वतन्त्रता पाएको बताए ।
कार्यक्रममा नेपालका पत्रकार रेडियो वीरगंजका कार्यकारी अध्यक्ष ध्रुव साहले आफूहरुले नेपाल र भारत बिच पारिषपरिक सम्बन्ध रहेकाे वताए । उनले चेम्बर अफ कमर्स जम्मु धन्यावाद दिदै नेपाल भ्रमणको निमन्त्रण समेत दिए ।
सम्मान कार्यक्रममा पत्रकारको टोलीले उद्योग वाणिज्य संघ जम्मुका पदाधिकारी तथा सदस्यहरुलाई मायाको चिनो स्वरुप नेपाली झण्डा र क्रस खुकुरीको ब्याच लगाई दिएका थिए । सो अवसरमा पत्रकार वृजलाल पासवान, मनोज पटेल, नरेश सर्राफ, शम्भु कुमार सुमन लगायतले आ–आफनो धारणा व्यक्त गरेका थिए ।












