वीरगंज । पूर्व यूवराज्ञी हिमानी शाहको ४६ औं जन्मोत्सव शुक्रबार एक समारोहका बीच वीरगंजमा पनि मनाइएको छ ।
जन्मोत्सवको अवसरमा नेपाल राष्ट्रबाद संघले वीरगंजको घण्टाघरवाट निकालेको र्याली माईस्थान, आदर्शनगर, अलखियामठ, घडिअर्वा हुँदै पुनः घण्टाघरमा पुगी कोण सभामा परिणत भएको थियो ।
कोण सभामा बक्ताहरुले राजाकाे कुनै बिकल्प नरहेको बताउँदै देशको वर्तमान अवस्थाका वारेमा चर्चा गरेका थिए ।
नेपाल राष्ट्रबाद संघका केन्द्रिय अध्यक्ष जनकलाल शाहको अध्यक्षतामा भएको कार्यक्रममा संगीता देवी, उमाशंकर प्रसाद, संतोष कुमार गुप्ता, राजेन्द्रपाल, हरेराम प्रसाद, अच्छेलाल साह, बजरंगबली साह लगायतकाले मन्तव्य व्यक्त गरेका थिए ।
