वीरगंज । पर्साकाे छिपहरमाई गाउँपालिका वडा नं. ५ भिस्वामा नेपाली कांग्रेसकाे शुभकामना आदानप्रदान कार्यक्रम सम्पन्न भएकाे छ । वडा समितिकाे आयाेजनामा भएकाे दिपावली तथा छठ पर्वकाे शुभकामना आदनप्रदान कार्यक्रम सम्पन्न भएकाे हाे ।
कार्यक्रमलाई सम्बाेधन गर्दे नेपाली कांग्रेसका केन्द्रिय सदस्य रमेश रिजाले निर्वाचनकाे तयारीमा लाग्न नेता तथा कार्यकर्ताहरुलाई निर्देशन दिए । उनले अब चाँडै स्थानिय वा संघ, प्रदेशकाे निर्वाचन हुन सक्ने वताउँदै निर्वाचनकाे तयारी लाग्न आग्रह गरे ।
उनले मुलुकमा समाजिक क्रान्तिकाे आवश्यकता समेत औल्याए । समाजमा रहेकाे कुरुती हटाउन समाजिक क्रान्तिकाे आवश्यकता रहेकाे बताउँदै नेता रिजालले देशमा जुन सुके संकटकाे सामाधान कांग्रेसले नै गरेकाे दाबी गर्दै नेपाली कांग्रेसकाे विकल्प नरहेकाे वताए ।
कार्यक्रमका प्रमुख अतिथी समेत रहेका नेता रिजालले जनताकाे सेवा गर्न कांग्रेसकाे धर्म भएकाे वताए । चुनावमा हार जित जे भए पनि निस्वार्थ भावनाले गरिब जनताकाे सेवा लाग्न उनले नेता तथा कार्यकर्ताहरुलाई आग्रह समेत गरे ।
साथै निर्वाचित जनप्रतिनिधिले गरेकाे गलत कामकाे जनता माझ लग्नुकाे साथै त्यस्ता जनप्रतिनिधिलाई जनता माझ नंग्याउनु समेत आग्रह गरे ।
कार्यक्रममा नेपाली कांग्रेस पर्साका जिल्ला सचिव किशोरी साह, क्षेत्रिय सभापति रमेश पाण्डे, जिल्ला सदस्य नवीन सिंह, क्षेत्रिय सचिव श्रीकान्त यादव, बलिष्टर अहमद, श्याम पटेल, रामेश्वर महतो लगायतकाे सहभागिता रहेकाे थियाे ।
