[real3dflipbook id=”229″]
परिवार दल बाराको दोस्रो जिल्ला अधिबेशन सम्पन्न
वीरगंज । नेपाल परिवार दलको दोस्रो जिल्ला अधिबेशन बुधबार सम्पन्न भएको छ । बाराको कलैयामा भएकाे अधिवेशनकाे उद्घाटन कार्यक्रमका प्रमुख अतिथी पार्टीका केन्द्रिय सदस्य तथा पर्सा जिल्ला अध्यक्ष पल्टन प्रसाद कुर्मीले गरेका थिए ।
कार्यक्रमलाई सम्बाेधन गर्दै अध्यक्ष कुर्मीले नेता कार्यकर्ताहरुलाई चुनावको तयारीमा जुटन आग्रह गरे । उनले यस अधिवेशनले पार्टीलाई अझ मजबूत बनाउने विश्वास व्यक्त गरे ।
बुधबार सम्पन्न अधिवेशनबाट पार्टीका बारा जिल्ला अध्यक्षमा रामचन्द्र चौधरीलाई दोस्रो पल्ट अध्यक्षमा सर्वसहमतिबाट चयन गरिएको छ । चाैधरीको अध्यक्षमा ५१ सदस्यीय जिल्ला कमिटी गठन गरिएको हो ।
कार्यक्रममा जनमत पार्टीका केन्द्रिय सदस्य रामबाबु साह लगायतले शभकामना मन्तब्य राखेका थिए । कार्यक्रममा स्वागत मन्तव्य पार्टीका नेता सञ्जय गिरीले गरेका थिए भने कार्यक्रमकाे सञ्चालन उपेन्द्र पासवानले गरेका थिए ।
छिपहरमाईको ४ वटा वडामा अधिवेशन सम्पन्न, वडा नं. १ को स्थगित
वीरगंज । पर्साको छिपहरमाई गाउँपालिकाको ४ वटा वडामा नेपाली कांग्रेसको वडा अधिवेशन बुधबार सम्पन्न भएको छ । वडा नं. ३ जयमंगलापुरमा सम्पन्न अधिवेशनमा वडा सभापतिमा कृष्णा सिंह निर्बाेरोध निर्वाचित भएका छन् ।
जुन वडा समितिको उप सभापतिमा शेख महमुद, हरिओम साह कानु, सचिवमा मनोहर राउत गद्दी, भुरसेद आलम, सह–सचिवमा जमुना तिवारी, मनोज ठाकुर लोहार, कोषाध्यक्षमा रमेश यादव, सदस्यहरुमा आवेज मियाँ, अरमान मियाँ, जोलहा कर्मी, हेमनाथ राउत लगायतका निर्बारोध निर्वाचित भएका हन् ।
मतदान अधिकृत धर्मेन्द्र चौरसियाको अध्यक्षतामा भएको अधिवेशनले क्षेत्रिय प्रतिनिधीमा नबिन सिंह, बिरेन्द्र राउत कुर्मी, मुस्तुफा अंसारी, शंकर राउत कुर्मी, दिपेन्द्र सिंह, रघुबर महतो, सगिर गद्दी, तबरेज अलि लगायतका १५ जना सर्वसहमत चयन भएका छ्न ।
यस्तै, छिपहरमाई गाउँपालिकाको वडा नं. २ सम्भौताको सभापतिमा इश्राईल देवान, वडा नं. ४ तुलसी बर्वाको सभापतिमा परमेश्वर महतो र वडा नं. ५ भिस्वाको सभापतिमा उदेश पटेल निर्बिरोध निर्वाचित भएको नेपाली कांग्रेसका जिल्ला समिति सदस्य नबिन सिंहले जानकारी दिए ।
छिपहरमाई गाउँपालिकाको वडा नं. १ मिर्जापुरको वडा अधिवेशन सहमति जुट्न नसकेपछि स्थगित भएको छ । अधिवेशनमा विवाद भएपछि मतदान अधिकृतले स्थगित गरेका थिए ।
कालिकामाईकाे सबै वडामा नेपाली कांग्रेसकाे अधिबेशन सम्पन्न
वीरगंज । पर्साकाे कालिकामाई गाउँपालिकाकाे सबै वडामा बुधबार नेपाली कांग्रेसकाे वडा अधिवेशन सम्पन्न भएकाे छ । गाउँपालिका अन्तर्गत रहेकाे ५ वटा वडा मध्ये वडा नं. १, २ र ३ मा सर्वसमत र वडा नं. ४ र ५ मा निर्वाचनबाट वडा समिति चयन गर्दै अधिवेशन सम्पन्न भएकाे हाे ।
वडा नं. ४ प्रशुरामपुरमा वडा समिति चयनकाे लागि भएकाे निर्वाचनमा सिकेन्द्र देवानकाे प्यानल विजयी भएकाे छ । वडा समितिका सभापतिमा उमेश गुप्तालाई हराउँदै सिकेन्द्र देवान विजयी भएका हुन् ।
उनका साथै उन कै प्यानलका उप सभापतिका उम्मेदवार गुलशन खातुन, सफातुन देवानीन, सचिवमा ध्रुप साह गाेढ, अमरदेव राउत बरै, उप सचिवमा शेष दास तत्वा, सुरेन्द्र साह गाेढ, सदस्यहरुमा उपदेश देवान, सत्यनारायण दास तत्वा, संजय साह गाेढ, साविर हुसेन लगायतका विजयी भएकाे मतदान अधिकृत अनिल कुमार गिरीले जानकारी दिए ।
यस्तै, क्षेत्रिय प्रतिनिधिमा गाेपाल साह गाेढ, फरियाद हुसेन, माेरियम खातुन, आविद हुसेन, माेलाजिम मियाँ, विजय कुमार चाैरसिया, करिमन साह तेली, भागमति देवी, शम्भु साह तेली, संजय कुमार साह, छाेटेलाल दास तत्वा, सुनैना देवी, धिरज साह, लक्ष्मण साह र अर्जुन साह निर्वाचित भएका हुन् ।
यस्तै, वडा नं. ५ बिरन्चीबर्वामा भएकाे निर्वाचनमा अम्बिका ठाकुरकाे प्यानल विजयी भएकाे छ । वडा सभापतिका उम्मेदवार दुखी राउत कुर्मीलाई ९ मतले हराउँदै अम्विका ठाकुर विजयी भएका हुन् । खसेकाे ४७ मत मध्ये कुर्मीले १९ मत प्राप्त गरेका थिए भने ठाकुरले २८ मत प्राप्त गरी विजयी घाेषित भएका थिए ।
वडा समितिकाे उप सभापतिमा असर्फी राउत कम्मकर २६ मत प्राप्त गरी र पप्पु तिवारी निर्विराेध विजयी भएका हुन् । समितिकाे सचिवमा हिरा चाैहन लगायत विययी भएका छन् । क्षेत्रिय प्रतिनिधिमा मदन माेहन माली लगायत १५ जना पनि निर्वाचन पक्रियाबाट निर्वाचित भएकाे जनाइएकाे छ ।
वडा नं. ३ हरिहरपुरकाे सभापतिमा रामशिष चाैरसिया निर्विराेध निर्वाचित भएका छन् । हरिहरपुरमा सम्पन्न नेपाली कांग्रेसकाे वडा अधिवेशनमा वडा सभापतिमा चाैरसियासहित सम्पूर्ण पदाधिकारी, सदस्य र क्षेत्रिय प्रतिनिधिहरु निर्विराेध निर्वाचित भएका हुन् ।
वडा समितिकाे उप सभापतिमा रामबहादुर साह गाेढ, दिनेश प्रसाद कुर्मी, सचिवमा हेमन्त कुमार कर्ण, महमद मन्जुर आलम, सह सचिवमा दिनेश चाैरसिया, अनुज चाैरसिया, काेषाध्यमा धुनिया देवी निर्विराेध निर्वाचित भएकाे वताइएकाे छ ।
यस्तै, क्षेत्रिय प्रतिनिधिमा पंचानन्द मिश्रा, सचितानन्द मिश्रा, डा. रामाशंकर प्रसाद कुर्मी, मुनेशवर साह गाेढ, हरिन्द्र प्रसाद जयसवाल लगायतका निर्विराेध निर्वाचित भएका हुन् ।
यस्तै, कालिकामाई गाउँपालिकाकाे वडा नं. १ र २ मा निर्विराेध वडा समिति र क्षेत्रिय प्रतिनिधि निर्वाचित भएका छन् ।
पकहा मैनपुरमा हरवाचरवा अधिकार मंच गठन
वीरगंज । पर्साको पकहा मैनपुर गाउँपालिका स्तरीय हरवाचरवा अधिकार मंच गठन भएको छ । रास्ट्रिय दलित नेटवर्क (RDN) नेपालद्वारा पकहामा आयोजित एक भेलाले नन्दलाल रामको अध्यक्षतामा ११ सदस्यीय पकहामैनपुर हरवाचरवा अधिकार मंच गठन गरेको हो ।
मंचको उपाध्यक्षमा चोकट पासवान, सचीवमा मुकेश राम, सहसचिवमा खेदन माझि, कोषाअध्यक्षमा ललिता देबि राम सदस्यहरुमा क्रमश बेलास हजरा , वचन राम ,रिना देबि पासवान, सोभा देबि, सन्तोष राम र प्रेम हजरा रहेका छन् ।
स्थानीय दलित अगुवा चोकट पासवानको अध्यक्षतामा भएको भेलामा दलित अगुवा मदन हजरा पासवान, खुबलाल राम, रास्ट्रिय दलित नेटवर्कका जनवकालत अधिकृत रुपनरायन पासवान, जिल्ला एक्टिभिस्ट बृजलाल पासवान लगायतले लामो समय देखि हरवाचरवा प्रथाका कारण समाजले भोगी रहेको पीडाको बारेमा सहभागिहरुलाइ जानकारी गराएका थिए ।
नेपाली कांग्रेस जिराभवानी २ काे सभापतिमा चाैरसिया निर्विराेध निर्वाचित
वीरगंज । नेपाली कांग्रेस जिराभवानी गाउँपालिका वडा नं. २ को सभापतिमा सरोज चौरसिया निर्विराेध निर्वाचित भएका छन् । १४ औं महाधिवेशन अन्तर्गत बुधबार सम्पन्न वडा अधिवेशनमा चौरसिया निर्विराेध निर्वाचित भएकाे मतदान अधिकृत रामबाबु प्रसाद कानुले जानकारी दिए ।
यस्तै, सेढवामा भएकाे अधिवेशनमा वडा समितिको उपसभापतिमा ललिता देवी, बालेश्वर यादव, सचिवमा खेमराज प्रसाद महतो, अमृत चौधरी, सह-सचिवमा विरेन्द्र महरा र सत्म्वा चौधरी थारु निर्वाचित भएकाे अधिकृत कानुले जानकारी गराए ।
वडा सभापतिमा विजयी चौरसिया विद्यार्थी राजनीतिको पृष्ठभूमि बोकेका व्यक्ति हुन् । उनले लामो समयसम्म सामाजिक क्षेत्रमा पनि काम गरेका छन् । चौरसिया लामो समयदेखि गाउँपालिकामा बसेर सामाजिक र राजनीतिक कार्यमा सक्रिय छन् ।
यस्तै, अधिबेशनले प्रदेश सभा सदस्य शंकर प्रसाद चाैधरीसहित १५ जना क्षेत्रिय प्रतिनिधि पनि सर्वसमत चयन गरेकाे छ ।
निर्विराेध निर्वाचित क्षेत्रिय प्रतिनिधिहरुमा दिनेश चाैधरी थारु, सत्यनारायण साह कानु, पन्ना देवी चमार, लिलावती देवी चमार, ज्ञानती देवी यादव, पासपत चाैधरी, रधुनाथ प्रसाद यादव, माेहन चाैधरी, नविरसुल मियाँ, वृजु महताे थारु, रामराज दास थारु, इन्द्रजित पासवान, अनाेज चाैधरी, रामनारायण साह कानु रहेका छन् ।
नेपाली काङ्ग्रेस कालिकामाई १ को सभापतिमा मियाँ निर्विरोध निर्वाचित
वीरगंज । नेपाली काङ्ग्रेस कालिकामाई गाउँपालिका वडा नं. १ पर्साको वडा अधिवेशन आज सम्पन्न भएको छ । वडा पार्टी कार्यालय मुडलीमा भएको अधिवेशनले नेजामुद्दिन मियाँ तेलीकाे सभापतित्वमा २२ सदस्यीय वडा समिती सर्वसमत चयन गरेको छ ।
जुन समितिको उप सभापतिमा शेषनाथ राउत कुर्मी, प्रेम राज श्रेष्ठ, सचिवमा ईन्द्रेव प्रसाद कुर्मी, आमरुल आलम, सह सचीव जगदिश प्रसाद तेलि, शिवनारायण प्रसाद चौरसिया, झपसी ठाकुर लोहार, कलाम मियाँ, पारसनाथ कुशवाहा, सिरि प्रसाद पण्डित लगायतक निर्विरोध निर्वाचित भएका हुन ।
मतदान अधिकृत लालबाबु प्रसाद पटेलको अध्यक्षतामा भएको अधिवेशनले १५ जना क्षेत्रीय प्रतिनिधि पनि सर्वसमत छनौट गरेको छ ।
निरविरोध निर्वाचित क्षेत्रीय प्रतिनिधिहरुमा रजाक राउत गद्दी, महन्थ प्रसाद पटेल, परमा राउत कुर्मी, रामशीष प्रसाद यादव, रिना देवि यादव, अजय कुमार, प्रतिमा देवि पटेल, रिना देवि पटेल, मन्जु देवि कुशवाहा, सुरेन्द्र प्रसाद कुशवाहा, रामविशवास महतो चाई, संजय प्रसाद साह, रामानन्द ठाकुर लोहार, रामलगन महरा चमार, रामनाथ प्रसाद कुशवाहा रहेका छ्न ।
अब सिंहदरबार केन्द्रित आन्दोलन हुन्छ : राजेन्द्र महतो
वीरगंज । लोकतान्त्रिक समाजवादी पार्टी (लाेसपा)का बरिष्ठ नेता राजेन्द्र महतोले एकल नश्लवादी चिन्तन सोचलाई अन्त्य गर्नका लागि सिंहदरबार केन्द्रित मुक्ति आन्दोलन गर्नुपर्ने बताएका छन् ।
वीरगंजमा आयोजित पत्रकार सम्मेलनमा बोल्दै नेता महतोले आफूहरुको मुख्य लडाई भनेकै अधिकार, पहिचान, सुशासन, समृद्धिको लडाई भएको उल्लेख गर्दै अबको संघर्ष सिंहदरबार केन्द्रित हुने बताएका हुन् ।
उनले भने, ‘विगतको आन्दोलन मधेश केन्द्रित आन्दोलन भयो, तर सिंहदरबार केन्द्रित आन्दोलन नभएसम्म केही परिवर्तन हुँदैन । जनताले दुःख मात्रै पाउँछन् । यहाँ ६ महिना नाकाबन्दी भएपनि, जनता मरेपनि सिंह दरबारमा केही फरक परेन । यहाँका जनताले मात्रै दुःख पाउने भएकाले अबको आन्दोलन एकल आन्दोलन नभई हिमाल, पहाड तराई मुक्ति आन्दोलन हुनेछ । र यसको लागि नयाँ ढँगले तयारी भइरहेको छ ।’
उनले थप भने, ‘यो देश एकल राष्ट्रिय राज्यको चिन्तन एवं नश्लीय चिन्तन सोचबाट चलिरहेको छ । यो देश एकल जातीय देश होइन तर, यहाँ राज्यका अंगहरु कार्यपालिका, व्यवस्थापिका, न्यायपालिका सबै एकल जातीय सोचबाट चलिरहेको छ ।’
यो देश बहुराष्ट्रिय देश भएकोले शासन र संविधान सबै नेपाली जनताको लागि हुनुपर्ने उनले बताए । ‘जबसम्म बहुराष्ट्रिय राज्यको रुपमा शासन र संविधान चलाइदैन, बनाइदैन तबसम्म यो देशका अँगहरुको दुरुपयोग भइरहन्छन्’, उनले भने, ‘काँग्रेस, एमाले, माओवादी तीनवटै पार्टी एउटै हो, काम एउटै हो । तर अनुहार मात्रै फरक छ । जनतालाई शोसन गर्ने, एकल चिन्तनमा संविधान बनाउने, जनतालाई गोली हानेर संविधान बनाउने यी सबै शासनकारी हुन् ।’
मधेशी जनताको भावनालाई आत्मसाथ गर्दै पार्टी एकता गरिएता पनि दुर्भाग्यवस उपेन्द्र यादवलाई नपचेको उनको भनाइ छ । उनले भने, ‘उनले आफ्नो पार्टीलाई बचाउनको लागि मधेशी पार्टीहरुको एकता गरेका थिए । जब उनको पार्टी एकता भयो तब उनले निर्वाचन आयोगमा गएर निवेदन दिएर पार्टी छुट्याउन लगाई मधेशको पार्टीलाई कमजोर पार्ने काम गरे ।’
मधेशी जनताको भावना विपरित काम गर्नेलाई मधेशी जनताले छोड्न नहुने उनको भनाइ छ ।
त्यस्तै उनले प्रदेश २ बारे बोल्दै प्रदेश सरकारको गतिविधिलाई अख्तियारले नियाली रहेको र अख्तियारको रिपोर्ट अनुसार सरकारले गल्ती गरेको पुष्टि भएको बताए । जसको जिम्मा प्रदेश सरकारले लिनुपर्ने बताउँदै अनुसन्धानबाट दोषी देखिएमा आफ्नो नैतिकताको आधारमा राजीनामा दिएर अनुसन्धानलाई सघाउनुपर्ने उनको भनाइ छ ।
प्रदेश राजधानीको सन्दर्भमा बोल्दै महतोले भने, ‘जनकपुरमा प्रदेश–२ को राजधानी तोकिएको हो । त्यो कुनै गलत भएको होइन तर, अस्थायी राजधानी मात्रै हो । भोलि वीरगंज स्थायी राजधानी पनि हुनसक्छ । त्यसैले हामीले यसबारे केही बोल्नु छैन ।’
त्यस्तै महतोले मुलुकको न्यायालयको प्रसङ्गमा भने, ‘दुर्भाग्यबस हाम्रो देशको न्यायालयबाट सर्वसाधारणहरुको विश्वास उठ्दै गएकोले यो देश असफल भएको छ । जुन देशमा आम जनताको न्यायालयप्रतिको भरोसा उठ्छ, त्यो देश असफल हुन जान्छ ।दुर्भाग्यपूर्ण अवस्था हाम्रो देशमा पनि देखिएको छ ।’
वीरगंज नगर सभा गृहमा भएको पत्रकार सम्मेलनमा प्रतिनिधी सभा सदस्य एवम् लोसपाका नेता लक्षमण लाल कर्ण, प्रदेश सांसद रमेश कुर्मी, नेता नेजामुदिन समानी, पुरुषोतम झा, शिव पटेल, ओम प्रकाश सर्राफ लगायतको उपस्थिति रहेको थियो ।












