वीरगञ्ज । नेपाली कांग्रेस वीरगंज महानगरपालिकाको वडा नं. १० को सभापतिमा रामनगिना साह कानु निर्विरोध निर्वाचित भएका छन् । बुधबार सम्पन्न नेपाली कांग्रेसको १४ औ वडा अधिवेशनमा कानुलाई सर्वसम्मतबाट वडा सभापतिमा चयन गरिएको हो ।
शिवपार्वती धर्मसालामा आयोजित अधिवेशनमा कांग्रेसका क्रियाशील सदस्यहरुको उपस्थितिमा कानुलाई सर्वसम्मतबाट वडा सभापति चयन गरिएको निर्वाचन अधिकृत प्रदिप कुमार जैसवालले जानकारी दिए ।
वडा समितिको उपसभापतिमा आसमाराम गुप्ता, राकेस कुमार साह, सचिवमा भैरव बहादुर महर्जन, सह–सचिवमा राहुल कुमार गुप्ता र सुभनरायण प्रसाद पटेल रहेका छन भने सदस्यहरुमा सुमेश्वर साह, नितेश चौधरी, आकश गुप्ता, सुनिल कु गुप्ता, सुनिल कलवार लगायतका रहेका छन् ।
नेपाली कांग्रेसका नेता एवम् प्रदेश नं २ का उर्जा तथा खानेपानी मन्त्री ओम प्रकाश शर्माको उपस्तिथिमा भएको वडा अधिवेशनमा कांग्रेसका राकेश सिह, गिरिजा प्रसाद कोइराला फाउन्डेसन पर्साका सचिव मनोहर साह, प्रमानन्द कानु, रुपा श्रेष्ठले लगायतको उपस्थिति रहेको थियो ।
