वीरगंज । पर्साकाे जगरनाथपुर गाउँ कार्यपालिकाकाे निर्वाचन पनि निर्विराेध हुने भएकाे छ । ६ कार्यपालिका सदस्यकाे लागि नेपाली कांग्रेसबाट ६ जनाकाे मात्र मनाेनयन दर्ता भएपछि उनीहरु निर्विराेध निर्वाचित भएका हुन् ।
४ महिला सदस्यकाे लागि कांग्रेसबाट तेतरी देवी कुर्मी, तेतरी देवी, रिता देवी र सिमा देवीकाे मनाेनय दर्ता भएकाे छ । २ दलित वा अल्पसंख्यक सदस्यका लागि कांग्रेसबाटै एकबाल साह कानु र भाेज आलिम धुनियाकाे मनाेनयन दर्ता भएकाे छ ।
आवश्यक पद अनुसार नै मनाेनयन दर्ता भएका कारण मतदान नहुने भएकाे छ । निर्वाचन कार्यतालिका अनुसार उम्मेदवार माथी दाबी विराेध र उजरीकाे समय सकेपछि उम्मेदवारकाे अन्तिम नमावली प्रकाशित गर्दै निर्वाचित भएकाे घाेषणा गरिने निर्वाचन अधिकृतकाे कार्यालय जगरनाथपुरले जनाएकाे छ ।
६ वटा वडा रहेकाे जगरनाथपुर गाउँपालिकामा कांग्रेसका गाउँपालिका अध्यक्ष, उपाध्यक्षसहित ४ वटा वडा जितेकाे छ भने नेकपा एमालेले दुईटा वडाकाे वडाध्यक्ष मात्र जितेकाे छ ।
