Date
मङ्ल, मंसिर १, २०८३
Tue, November 17, 2026
Home Blog Page 668

परवानीपुरमा ५ महिलासहित १०१ जनाद्वारा रक्तदान

0

वीरगंज । बाराकाे परवानीपुर गाउँपालिका वडा नं. ५ नौतन-बहुअरीमा शनिबार रक्तदान कार्यक्रम सम्पन्न भएकाे छ । शिव-पार्वती तथा श्री राम जानकी मन्दिरमा भएकाे कार्यक्रममा ५ महिलासहित १०५ जनाले रक्तदान गरेकाे रक्त संचार केन्द्र वीरगंजका प्रमुख साैरभ राज पाण्डले वताए ।

स्वच्छ समाज युवा क्लब नाैतन बाराकाे आयाेजनामा भएकाे कार्यक्रममा राजेश्वर दास, निरज कुमार साह, ओमप्रकाश महताे, हरिशंकर साह, रितेश पटेल, राजकुमार सिंह, मुकेश साह कानु, रामजी दास, विजय कुमार साह, अनिल प्रसाद कुर्मी, संदिप कुमार साह, ललिता देवी, संजिता देवी, बबिता देवी, सबिता देवी, अनिल कुमार साह, सुरज साह, नुरअहमद आलम, राजेश पटेल, दिपेश सहनी लगायतकाले रक्तदान गरेकाे प्रमुख पाण्डेले जानकारी दिए ।

परवानीपुर गाउँपालिका अध्यक्षका प्रत्याशी संजु साहकाे अध्यक्षता र संघिय सरकारकाे वन तथा वातावरण मन्त्री रामसहाय प्रसाद यादवकाे प्रमुख आतिथ्यतामा भएकाे कार्यक्रममा नेपाल बार एशोसिएशनका पुर्व केन्द्रिय उपाध्यक्ष रामचन्द्र सिंह, जसपाका जिल्ला अध्यक्ष अजय पटेल, वडाध्यक्ष रामेश्वर साह कलवार, आनन्द यादव लगायतकाे उपस्थिती रहेकाे थियाे ।

प्रदेशकाे बजेटमा हरवाचरवा सवाल विषयक गोलमेच छलफल

0

जनकपर । मधेश प्रदेशको जनकपुरधाममा प्रदेश सरकारको नीति तथा कार्यक्रम र बजेटमा हरवाचरवा सवाल विषयक गोलमेच छलफल कार्यक्रम सम्पन्न भएकाे छ । राष्ट्रिय हरवाचरवा अधिकार मंचका उपाध्यक्ष श्रीप्रसाद सदाकाे अध्यक्षता र मधेश प्रदेश दलित विकास समितिका उपाध्यक्ष रामप्रवेश बैठाको प्रमुख आतिथ्यतामा भएकाे कार्यक्रम सम्पन्न भएकाे हाे ।

राष्ट्रिय हरवाचरवा अधिकार मंचका महासचिव लागेन्द्र सदाको स्वागत मन्तव्यबाट शुरुवात भएको सो कार्यक्रममा नेपाल सरकारको भूमिव्यवस्था सहकारी तथा गरिबी निवारण मन्त्रालयद्धारा गठित मुक्त कमैया, कम्लहरी, हलिया र हरवाचरवाको वस्तुस्थिति अध्ययन समितिका सदस्य गणेश विश्वकर्माले अध्ययन समितिको प्रतिवेदनको सारसंक्षेम प्रस्तुत गरेका थिए ।

सो प्रतिवेदनमाथि टिप्पणीसहित आगामी बजेटमा राख्नु पर्ने हरवाचरवाका सवालबारे राष्ट्रिय हरवाचरवा अधिकार मन्चका केन्द्रीय अध्यक्ष दशलाल मण्डल, द फ्रिडम फण्डका प्रतिनीधि बालाराम भट्टराई, समाजसेवी कोशिलाल यादव, सिआइसिका अध्यक्ष संजय शाह, श्याम सदा, राजमति मण्डल, रामदयाल सदा, राजदेव वीन, हसिना हुसेन लगायतका बक्ताहरुले आफ्ना धारणाहरु राखेका थिए ।

सबै वक्ताहरुले आगामी बजेटमा हरवाचरवाको सम्पूर्ण समस्या हल हुने खालको कार्यक्रम घोषणा हुनुपर्नेमा जोड दिएका थिए । कार्यक्रममा हालै सम्पन्न स्थानीय निर्वाचनमा हरवाचरवाको अर्थपूर्ण प्रतिनीधित्व नभएको, उल्टै हरवाचरवालाई किनबेचको साधन बनाएको प्रति सहभागिहरुले आक्रोस व्यक्त गरेका थिए ।

कार्यक्रममा राष्ट्रिय हरवाचरवा अधिकार मन्चका केन्द्रीय अध्यक्ष दशलाल मण्डलले मुक्त कमैया, कम्लहरी, हलिया र हरवाचरवाको वस्तुस्थिति अध्ययन समितिको प्रतिवेदन कार्यक्रमका प्रमुख अथिति दलित विकास समितिका उपाध्यक्षसमक्ष कार्यान्वयनका लागि हस्तान्तरण गरेका थिए ।

प्रतिवेदन ग्रहण गर्दै प्रमुख अथिति रामप्रवेश बैठाले मधेश प्रदेशमा हरवाचरवा प्रथा मधेश विद्रोहबाट प्राप्त संघीयता र रुपान्तरणको कलंकको टीका भएको धाराणा राख्दै यो समस्या हल गर्न अध्ययन समितिले सिफारिश गरेका कार्यक्रमहरु र बजेट सहित कार्यानवयन गराउनका लागि आफूहरुले मुख्यमन्त्री समक्ष अनुरोध गर्ने वताए ।

उनले दलित विकास समितिबाट विभिन्न दलित केन्द्रीत कार्यक्रम भए पनि हरवाचरवा केन्द्रीत कार्यक्रम नभएकोले यो वर्षदेखि समितिले एउटा मूल एजेण्डा बनाएर अघि बढ्ने प्रतिबद्धता जाहेर गरे । यो कार्यक्रम हुनु अघि यही २०७९ जेष्ठ २५ गते मधेश सरकारका उद्योग, पर्यटन तथा वनमन्त्री शत्रुघन महतोसंग डेलिगेशन सहित हरवाचरवा समस्या हल गर्ने उपायका बारे बृहत छलफल गरिएको थियो ।

घुमुवा यादवको सेटिङमा निर्बाध तस्करी

0

वीरगंज । प्रधानमन्त्री पत्नी आरजु देउवाको ठाडो आदेशमा वीरगंज बिर्ता वडा प्रहरी कार्यालयमा सरुवा भएका प्रहरी निरिक्षक बिशाल मल्लले अनुभवी घुमुवा परिचालन गरी कमाउधन्दामा सक्रिय भएका छन् । यसअघिका विर्ताका इन्स्पेक्टर राजेशराज पुरीका घुमुवा उमेश यादव २७ महिनादेखि त्यही कार्यरत रहेकोले उनको कमाउ धन्धा अझै सहज बनेको हो ।

यादवको दर्जा सिपाही भए पनि उनको पहुँच सिधै डीआइजीसम्म नै रहँदैआएको छ । शैलेश थापा क्षेत्रीसँगै अवकाश भएका मधेश प्रदेशका तत्कालीन डीआइजी उमेश रंजितकारसम्मलाई तस्करहरुबाट सेटिङ गरी बुझाउने भएकाले उनले जिल्लाका एसपीसम्मलाई पनि बेवास्ता गर्ने गरेको स्रोतले जनाएकाे छ ।

उमेश रंजितकारले मधेश प्रदेशमा एकपटक घुमुवा सरुवा गर्दा यादवलाई भने चलाएका थिएनन् । रंजितकारले हालका डीआइजी मसाउद आलम खाँलाई समेत उमेश यादवसँग कनेक्सन गराएकाले उनी घुमुवाका रुपमा तस्करहरुबाट निर्वाध रुपमा कमाउ अभियानमा लागेका छन् ।

बालुवाटारको पावरमा आएका इन्स्पेक्टर बिशाल मल्लले तिनै घुमुवामार्फत् सेटिङ गरी तस्करीको लाइन दिएर अतिरिक्त कमाउने क्रम सुरु गरेका छन् । विर्ता प्रहरीबाट लाइन पाएका भन्सारछली तस्करी गर्ने कारोबारीहरुमा अशोक वर्णवाल, पशुपति यादव, बैजु साह, मञ्जु पटेल, ललन पटेल, मदन बंगाली, मदन केवट, मनोज गुप्ता, तबारक मिया छन् ।

त्यसैगरी तस्करीको लाइन पाउनेहरुमा आरती यादव, बिकी साह, आकाश वर्णवाल, बिशाल जयसवाल, शिव कलवार, रबि शर्मा, मुनीलाल अप्सरा, जयलाल यादव, शेखावत ईनर्वागाउँ, शत्रुधन यादव, मालती देवी, अम्बेवा, रेखा देवी, चान्दा देवी, ललिता, चन्द्रिका, दुलारी, रुबि खातुन, झुन झुन, कुबेर जटाधारी, हरिन्द्र पटेल, बवन ठाकुर छन् ।

यसअघिका विर्ता वप्रकाका इन्स्पेक्टर पुरीलाई पूर्वआइजीपी सर्वेन्द्र खनालले सरुवा गरेका थिए । खनाल उपत्यका अपराध अनुसन्धान कार्यालयमा हुँदा पुरीलाई सँगै लगेका थिए । आइजीपी भएपछि सचिवालयमा लगे । खनालकै जोडबलमा पुरीलाई विर्तामा सरुवा गरिएको थियो । पुरीले समेत उमेश यादवलाई घुमुवा राखी माथि उल्लेख गरिएका तस्करहरुबाट मनग्ये लाभ लिएर गएको समाचार स्रोतले जनाएकाे छ ।

श्री ने.रा.मा.वि. जगरनाथपुरमा दुई काेठे भवन शिलान्यास

0

वीरगंज । पर्साकाे जगरनाथपुर गाउँपालिका वडा नं. ४ स्थित श्री ने.रा.मा.वि. जगरनाथपुरमा २ कोठे भवनको शुक्रबार एक कार्यक्रमकाे बिच शिलान्यास गरिएकाे छ । कार्यक्रमका प्रमुख अतिथी नेपाली कांग्रेसका महादिबेशन प्रतिनिधि रामदेव प्रसाद चौहानले विद्यालय भवनकाे शिलान्यास गरेका हुन् ।

राष्ट्रपति शैक्षिक सुधार कार्यक्रम अन्तर्गत १९ लाखकाे लागतमा उपभाेक्ता समिति मार्फत भवन निर्माण हुने गाउँपालिका अध्यक्ष श्रीकान्त प्रसाद यादवले जानकारी दिए ।

बिधालयका प्रधानाध्यापक चन्देश्वर यादवकाे अध्यक्षतामा भएकाे शिलान्यास कार्यक्रममा नेपाली कांग्रेसका पर्सा क्षेत्र नं. ४ का कोषाध्यक्ष बिनय भूषण द्विवेदी, नेता दिपेन्द्र चौहान लगयत स्थानीय अगुवा र अभिभावकहरुको उपस्थिती रहेको थियो ।

जिसस पर्साकाे निर्वाचनमा जसपा-एमाले प्यानल विजयी

0

वीरगंज । जिल्ला समन्वय समिति (जिसस) पर्साको निर्वाचनमा जनता समाजवादी पार्टी (जसपा) र नेकपा एमालेकाे प्यानल विजयी भएकाे छ । शुक्रबार भएको निर्वाचनमा जिसस पर्साको प्रमुखमा जसपाका निरन्जन साह सोनार, उप प्रमुखमा एमालेका पुरन कुर्मीसहितकाे पुरै प्यानल विजयी भएकाे हाे ।

जिससको प्रमुखमा सोनार र उप प्रमुखमा कुर्मी १५/१५ मत ल्याएर विजयी भएकाे मुख्य निर्वाचन अधिकृत धर्मराज पौडेलले जानकारी दिए । प्रमुखमा विजयी साेनारका प्रतिस्पर्धी नेपाली काँग्रेसका उम्मेदवार सरोज चौरसीयाले १३ मत र उप प्रमुखमा विजयी कुर्मीका प्रतिस्पर्धी काँग्रेस कै सोनी पासवानले १३ मत पाएका थिए ।

जिससको ३ महिला सदस्यमा जसपाकी ब्यान्ति देवी कुर्मी, राजपति देवी र एमालेकी श्रीकान्ति देवी थरुनी विजयी भएका छन् । तिनै जनाले पनि १५/१५ मत ल्याएर विजयी भएकाे निर्वाचन अधिकृतकाे कार्यालयले जनाएकाे छ । उनीहरुका प्रतिस्पर्धी कांग्रेसका बसन्ती देवी थरुनी, भागवती देवी धिताल र सिता देवी थरुनीले १३/१३ मत पाएका थिए ।

एक दलित वा अल्पसंख्यक सदस्यमा एमालेका सुशिला कामी विजयी भएका छन् । कामी पनि १५ मत ल्याएर भएका हुन् । उनका प्रतिस्पर्धी लाेकतान्त्रिक समाजवादी पार्टी (लाेसपा) का प्रमेम मुखिया विन १३ मत पाएका थिए ।

३ खुल्ला सदस्यमा  एमालेका रामप्रसाद यादव, सलिल मियाँ अन्सारी र जसपाका विजय कुमार कुर्मी विजयी भएका छन् । एमालेका यादव र अन्सारीले १५/१५ मत ल्याएर र कुर्मीले १६ मत ल्याएर विजयी भएका हुन् । उनीहरुका प्रतिस्पर्धी कांग्रेसका मनाेज प्रसाद राैनियार १२ मत, कांग्रेस कै संदिप कुमार साह र महबुद रायले १३/१३ मत पाएका थिए ।

मुख्य निर्वाचन अधिकृतकाे कार्यालय रहेकाे जिसस मै भएको निर्वाचनमा पर्साका १४ वटा पालिकाका प्रमुख र उपप्रमुख गरी २८ जनाले मतदान गरेका थिए । जस मध्ये कांग्रेसका १२, एमालेका १०, जसपाका ५ र लोसपाका १ मतदाता रहेका थिए ।

जिससकाे निर्वाचनमा जसपा-एमाले र कांग्रेस-लाेसपाले तालमेल गरेका थिए ।

जिसस पर्सा निर्वाचन : नतिजा जे सुकै आउन सक्ने सम्भावना

0

वीरगंज । जिल्ला समन्वय समिति (जिसस) पर्साको नयाँ नेतृत्वकाे लागि शुक्रबार निर्वाचन हुँदै छ । सतारुढ गठबन्धनका जनता समाजवादी पार्टी (जसपा) नेपालले जिससकाे निर्वाचनमा नेकपा एमालेसंग मिलेर उम्मेदवारी दर्ता गराएपछि पर्सामा नयाँ राजनीतिक तरंग उत्पन्न भएकाे छ । 

२८ मतदाता रहेकाे जिससकाे निर्वाचनमा कांग्रेसका १२, एमालेका १०, जसपा ५ र लाेपसा १ जना मतदाता छन् । यस अधारमा सब भन्दा ठुलाे दल रहेकाे कांग्रसले जिसस प्रमुखमा दाबी गरेपछि जसपाले एमालेसंग तालमेल गरेकाे वताइन्छ । वीरगंज महानगरकाे निर्वाचनमा कांग्रेस र जसपाले तालमेल गरे अनुसार जिससकाे निर्वाचनमा एमाले शुन्य हुने डरले जसपालाई प्रमुख दिएर भएपनि तालमेल गरेकाे हाे ।

जस अनुसार एमाले-जसपा  मिलेपछि १५ जना र कांग्रेस-लाेसपा मिल्दा १३ जना मतदाता पुगेकाे देखिन्छ । यी दल बिच क्रस भाेटिङ नभए एमाले-जसपा गठबन्धनकाे जित निश्चित देखिन्छ । तर जसपा पर्साका अध्यक्ष रामनरेश यादवले जसपा-एमाले बिच तालमेल नभएकाे केही मिडिया वताएपछि जिससकाे निर्वाचन नयाँ माेड लिएकाे छ । त्यसका कारण नतिजा केही पनि हुन सक्ने सम्भावना रहेकाे छ ।

जसपाले जिसस प्रमुखमा उम्मेदवारी दिएको भएपनि उपसभापतीमा उम्मेदवारी दिएको छैन् । उप प्रमुखमा एमाले उम्मेदवारी दिएको छ भने सभापतीमा एमालेले उम्मेदावरी दिएको छैन् । यसैगरी ७ सदस्यकाे लागि ३ वटामा जसपा र ४ वटामा एमाले उम्मेदवारी दर्ता गराएकाे छ । यसले एमाले-जसपा बिच तालमेल भएकाे प्रष्ट गर्छ ।

महानगरको निर्वाचनमा मात्र गठबन्धन भएको र अन्य पालिकाकाे कार्यपालिकाकाे निर्वाचनमा पनि कांग्रेसले एमालेसंग तालमेल गरेकाे भन्दै जिससकाे निर्वाचनमा जसपाले एमालेसंग तालमेल गरेकाे वताइन्छ । निर्वतमान जिससका प्रमुख आफ्नाे दल भएका कारण यसपालि पनि आफ्नाे दल नै पाउनु पर्ने जसपाकाे दाबी थियाे । जस अनुसार एमालेले जसपालाई प्रमुख दिन मानेपछि तालमेल सम्भव भएकाे वताइन्छ ।

शुक्रबारका तय भएको जिसस पर्साको निर्वाचनमा काँग्रेसबाट प्रमुख पदमा सरोज चौरसीया र उप प्रमुख पदमा कुमारी सोनीको उम्मेदवार छन् । उनीहरुलाई लोसपाको समर्थन रहेको छ । लोसपासँग १ मत छ ।

यता जसपाबाट भने प्रमुखमा निरन्जन कुमार सर्राफ र उप प्रमुख पदमा एमालेका पुरण कुर्मी छन् । 

जसपा पर्साका सचिव तबरेज अहमदले गठबन्धन र सहमती फरक बिषय भएको बताउँदै गठबन्धन भन्दापनि नेकपा एमालेसँग सहमती भएको बताए । देशमै ५ दलिय गठबन्धनको सरकार रहेको छ । त्यसमा हाम्रो पार्टीको पूर्ण समर्थन रहेको भएपनि अवस्था हेरेर जिससमा एमालेसँग सहमतीको प्रयास भइरहेको उनले बताए । उनले कांग्रेससँग पनि यस बिषयमा कुराकानी भएको वताए ।

पर्सामा कांग्रेसले पनि स्थानिय तहको निर्वाचनमा थुप्रै ठाउँमा नेकपा एमाले अथवा अन्य दलसँग सहमती गरेको अहमदले बताए ।

यता नेकपा एमालेका पर्साका सचिव एवं छिपहरमाई गाउँपालिकाका अध्यक्ष मनोज गुप्ताले जसपासँग सहमती भएरै जिससमा उम्मेदवारी दिएको बताए । मत नेपाली कांग्रेस र एमालेसँग बढी भएपनि जसपा निर्णय शक्ति रहेको कारण शुन्यमा झर्नु भन्दा सभापती दिएर भएपनि नेकपा एमालले जिल्ला समन्वय समिति पर्सामा आफ्नो जित सुनिश्चित गर्न चाहेको सचिव गुप्ताले वताए । 

बिन्दवासिनीकाे राधा कृष्ण माविमा ४ कोठे भवनकाे शिलान्यास

0

वीरगंज । पर्साको बिन्दवासनी गाउँपालिका वडा नं. २ को राधा कृष्ण माध्यमिक विद्यालयमा ४ कोठे भवन निर्माणको लागि बिहिबार शिलान्यस गरिएकाे छ । राष्ट्रपति शैक्षिक सुधार कार्यक्रम अन्तर्गत ३६ लाखको लागतमा निर्माण हुने विद्यालय भवनकाे गाउँपालिका अध्यक्ष प्रमाेद तिवारी र स्थानीय बुद्धिजिबि एवं जेष्ठ नागरिक चन्द्रशेखर चौरसियाले संयुक्त रुपमा शिलान्यास गरेका थिए ।

शिलान्यास कार्यक्रमलाई सम्बोधन गर्दै गाउँपालिकाका अध्यक्ष तिवारीले बिन्दवासनी गाउँपालिकाले शिक्षा, स्वास्थ्य, कृषि र विकास निर्माण कार्यमा विशेष ध्यान पुर्याएकोले शिक्षा क्षेत्रमा फड्को मार्ने बताए । उनले राधा कृष्ण माध्यमिक विद्यालयको भवन बनाई विद्यालयको पठन पाठनमा पूर्ण रूपले सुधार गर्ने बताए । उनले विकास गर्न आएकाले म सबै क्षेत्रलाई समेटेर अगाडि बढने बताए ।

पालिकाभित्र रहेका माविहरुलाई स्तरोन्नति गर्दै लैजाने छु ।’ गुणस्तरीय शिक्षा प्रदानका लागि अंग्रेजी माध्यमबाट पनि पढाइ सुरु गरिने उनले बताए ।

कार्यक्रममा गाउँपालिकाकी उपाध्यक्ष ज्योति चौरसियाले भवनको आवश्यकतालाई मध्यनजर गर्दै भवनको लागि पालिकाबाट सहयोग गरेको बताइन् । भवन निर्माण कार्यमा निगरानी बढाउन आवश्यक रहेकाले समय–समयमा सबैले मूल्याङ्कन गर्नुपर्नेमा जोड दिइन् । 

प्रमुख प्रशासकीय अधिकृत राजु साहले विद्यालय शान्ति क्षेत्र भएकाले राजनीतिको अखडा नबनाउन सबैलाई आग्रह गरेका थिए । सकारात्मक सोचको विकासबाट नै समाजको उन्नित र प्रगति हुन सक्ने भएको हुँदा सामाजिक एकता कायम हुनुपर्नेमा अधिकृत साहले जोड दिएका थिए ।

कार्यक्रममा वडाध्यक्ष मुक्ति पटेल, लेखा अधिकृत मिथलेश कुशवाहा, शिक्षा शाखा प्रमुख कपिल लामिछाने, इन्जिनियर नगेन्द्र कुशवाहा, प्रधानाध्यापक सरोज चौहान लगायतको उपस्थिति रहेको थियो ।