वीरगंज । वीरगंजका क्रियाशिल पत्रकार स्वर्गिय नरेश सर्राफकाे प्रथम स्मृति सभा आज वीरगंजमा सम्पन्न भएकाे छ । स्वर्गिय सर्राफकाे पहिलाे वार्षिकीमा समाजवादी प्रेस संगठन पर्सा, रेडियाे वीरगंज र राष्ट्रिय सहारा दैनिकले संयुक्त रुपमा आयाेजना गरेकाे स्मृति सभा सम्पन्न भएकाे हाे ।

रेडियाे वीरगंज परिसरमा भएकाे स्मृति सभालाई सम्बाेधन गर्दै वीरगंज महानगरपालिकाका मेयर राजेशमान सिंहले स्वर्गिय नरेश सर्राफकाे नाम जिवन्त राख्न महानगरपालिकाले सहयाेग गर्न सधै तयार रहेकाे वताए ।

कार्यक्रमका प्रमुख अतिथी समेत रहेका मेयर सिंहले बर्षमा एक दिन मात्र नभई दुई/तीन पटक भएपनि विभिन्न कार्यक्रमकाे आयाेजना गरि स्वर्गिय सर्राफकाे नाम जिवन्त राख्न र उहाँले पुर्याएकाे याेगदानकाे चर्चा गर्नु पर्ने वताए ।

कार्यक्रममा आयाेजककाे तर्फबाट समाजवादी प्रेस संगठन पर्साका अध्यक्ष मनाेज पटेलले स्वर्गिय नरेश सर्राफकाे नाम जिवन्त राख्न र उहाँकाे समझनामा विभिन्न कार्यक्रमकाे आयाेजना गर्न नरेश सर्राफ स्मृति प्रतिष्ठान गठन गरिने वताए ।

उनले साेही प्रतिष्ठानले अबदेखि प्रत्येक वार्षिकीकाे अवसरमा स्मृति सभासहितकाे विभिन्न कार्यक्रम गर्नुकाे साथै स्वर्गिय नरेश सर्राफ पत्रकारिता पुरस्कार समेत विरतण गर्ने जानकारी गराए ।

राष्ट्रिय सहारा दैनिकका प्रकाशक चन्द्रभुषण साहकाे अध्यक्षतामा भएकाे कार्यक्रममा पर्साका प्रमुख जिल्ला अधिकारी हिरालाल रेग्मी, नेकपा एमाले पर्साका संयाेजक डा.विश्वम्भर कुमार शर्मा, समाजवादी प्रेस संगठन नेपालका महासचिव राम कुमार एलन, जसपा पर्साका सचिव तबरेज अहमद, नेकपा एकीकृत समाजवादीका वीरगंज महानगर अध्यक्ष मनाेज चाैधरी, जनमत पार्टीका पर्सा जिल्ला सह इन्चार्ज मुकेश द्विवेदी, नेपाल पत्रकार महासंघ पर्साका अध्यक्ष अनुप तिवारी, समाजवादी प्रेस संगठनका केन्द्रिय सचिव बृजलाल पासवान, रेडियाे वीरगंजका समाचार प्रमुख ध्रुव अधिकारी, प्रेस सेन्टरका पर्सा अध्यक्ष दिपक गाैतम, प्रेस चाैतारी पर्साकी उपाध्यक्ष कविता खड्का, प्रेस युनियन पर्साका पूर्व सभापति रामनारायण कुर्मी लगायतकाले मन्तव्य राखेका थिए भने कार्यक्रमकाे संचालन पत्रकार शम्भु कुमार सुमनले गरेका थिए ।

कार्यक्रम मै एकीकृत समाजवादीका वीरगंज महानगर अध्यक्ष चाैधरीले स्वर्गिय नरेश सर्राफकाे नाम जिवन्त राख्न गठन हुने प्रतिष्ठानलाई रु ५० हजार सहयाेग गर्ने प्रतिवद्धता समेत जनाए ।   

नेपाल पत्रकार महासंघ पर्सा र समाजवादी प्रेस संगठन पर्साका कार्य समिति सदस्य समेत रहेका पत्रकार सर्राफकाे २०७९ मंसिर १५ गते अल्पायु मै हृदयघातबाट निधन भएकाे थियाे । स्वर्गिय सर्राफकाे श्रीमती र एक छाेरी छन् । 

वीरगंज । पर्साकाे पोखरीया नगरपालिकाले नियम विपरित कर्मचारी भर्ना आव्हान गर्न लागेकाे विभिन्न राजनीतिक दलले आराेप लगाएका छन् ।

नेपाली कांग्रेस, जसपा नेपाल, नेकपा माओवादी केन्द्र र रास्वपाले संयुक्त रुपमा बिहिबार प्रेस विज्ञप्ती जारी गर्दै  नगरपालिकाले २०८० मंसिर ७ गते र मंसिर १० गते करार कर्मचारी भर्नाको लागी ऐन कानून विपरीत सूचना प्रकाशित गरेको जनाएकाे छ ।

उक्त सूचना अनुसार विभिन्न पदमा समावेशी सिद्धान्त विपरीत र मात्र मौखिक अन्तर्वाताको माध्यमवाट आफ्नो नजिकको व्यक्तिहरुलाई आर्थिक लेनदेनको भरमा कर्मचारी भर्ना गरी नगरपालिकाको थप आर्थिक भार ठेग्न नसकिने अवस्थामना पुर्याउने जारी विज्ञप्तीमा उल्लेख गरिएकाे छ ।

नेपाली कांग्रेस पर्सा क्षेत्र नं. ४ का सचिव सुरेन्द्र प्रसाद सिंह, जसपा पाेखरिया नगरपालिकाका अध्यक्ष राजु साह तेली, माओवादी केन्द्र पाेखरियाका अध्यक्ष पान्नालाल पटेल, रास्वपा पर्सा संयाेजक दिलिप कुमार कुर्मीद्वारा जारी विज्ञप्तीमा सुनयोजित तरिकाले कर्मचारी भर्नाको प्रक्रिया शुरु भएकोमा आपति जनाएकाे छ ।

सो कर्मचारी भर्ना प्रक्रिया अविलम्व वन्द गरी हालसम्म पोखरीया नगरपालिकामा अस्थाई, स्थाई, करार र ज्यालादारी कर्मचारीहरुको समेत संख्या सार्वजनिक गरी आवश्यक जनशक्ति मात्र पदपुर्तिको लागी नियम संगत नयाँ सूचना प्रकाशित राजनीतिक दलहरुकाे माग छ ।

एक हप्ता भित्र माग पुरा नभए हामी सम्पूर्ण राजनितिक दलहरु चरणबद्ध आन्दोलनको कार्यक्रम घोषणा गरि आन्दोलन गर्ने बाध्य हुने प्रेस विज्ञप्ती मार्फत चेतावनी समेत दिएका छन् । सो आन्दोलनवाट हुने असहज परिस्थितिको सम्पूर्ण जिम्मेवारी स्वय् नगरपालिका कार्यालय नै हुने ४ राजनीतिक दलहरुले जनाएका छन् ।