वीरगंज । नारायणी सिचाई डिभिजन नम्बर ५ को ब्लाक नम्बर २ र बिएससी ४ र ५ मा अहिले सम्म पानी छोडिदा कृषकहरु मर्कामा परेका छन । पानीकाे आवश्यकता भएकाे बेला नहर पानी नआउने र पानी आवश्यकता नरहेकाे बेला मात्र याे नहरमा पानी आउने गर्छ ।
अहिले धान खेतीकाे लागि पानी आवश्यकता नरहेकाे र नगदे बाली छर्ने समय भएकाेले नहरकाे पानीकाे कारण समस्या भएकाे कृषकहरुले वताएका छन् । अहिले नहरमा छाेडिएका पानीका कारण खेतमा समेत पानी पुग्ने गरेकाे छ । जसका कारण नगदेवाली मसुरो, तलहन, तोरी तथा गेहु बाली लगाउन समस्या भएकाे कालिकामाई गाउपालिका वडानम्बर २ निवासी मोतलिाल चौरसियाले बताए । उनले अबिलम्ब नहरमा छाेडिएकाे पानी राेक्नु पर्ने वताए ।
अहिले लगाइएकाे सबै धानकाे खेतमा पानी रहेकोले नहरको पानी पनि खेतमा पस्न थालेका छन् । जस कारण खेतमा पानी जम्नाले नगदे वालीमा ढिलाई हुने कृषकहरु वताउँछन् । अहिले समय नगदे वालीको रुपमा मसुरो, तोरी, तिसी, आलु, प्याज, गेहु जस्ता बाली लगाउने रहेकाेले नहरमा पानीकाे आवश्यकता रहेकाे कृषकहरुकाे भनाई छ ।
यी नगदे वाली छर्न वा लगाउन खेत सुकेको हुनु पर्ने कृषकहरु बताउँछन् । तर नहरमा पानी नियमित रुपमा बगीरहदा नहर वरपर रहेकाे खेत सुक्न नसकेकाेले बाली छर्न र लगाउन कठिनाई भएको सोही वडा निवासी हजारी साहले बताए । पानीकाे अवश्यकता नै नभएकाे बेला नहर पानी छाेडनु सम्बन्धित निकायकाे लापरवाही भएकाे उनले वताए ।
