वीरगंज । कालिकामाई युवा समाजले “दहेज बहिस्कार” अभियान संचालन गर्ने भएकाे छ ।  पर्साकाे कालिकामाई गाउँपालिकामा रहेकाे युवा समाजकाे शुक्रबार बसेको बैठकले दहेज बहिस्कार अभियान सञ्चालन गर्ने निर्णय गरेकाे हाे ।

मधेशी समुदायमा जल्दोबल्दो समस्याको रूपमा रहेको दाइजो प्रथा उन्मूलन गर्नमा आजको युवा पिढीको विशेष भूमिका हुनसक्ने भएकोले अभियान संचालन गर्ने निर्णय गरिएकाे युवा समाजका अध्यक्ष आकाश चाैरसियाले वताए ।

उनले शनिबार एक प्रेस विज्ञप्ती जारी गर्दै “दाइजो बहिस्कार” अभियान अन्तर्गत दाइजो बिना विवाह गर्ने व्यक्तिलाई समाजले विशेष उपहारकासाथ सम्मान गर्ने जनाएका छन् ।

यसका साथै स्थानिय सरोकारवालाहरुसंग सहकार्य गरी दाइजो प्रथा विरुद्ध सडक नाटकजस्ता जनचेतनामुलक कार्यक्रम सञ्चालन गर्न पनि निर्णय भएकाे समाजका काेषाध्यक्ष बुलेट तिवारीले वताए ।

बैठकमा युवा समाजको वरिष्ठ उपाध्यक्ष आकाश महतो केवट, उपाध्यक्ष भरत साह, महा सचिव बिशाल कुशवाहा, सचिव विकाश पटेल, संस्थापक सदस्यहरु चन्द्रशेखर पटेल, साबिर आलम, मोहन महतो, रमेश चौरसिया, दिपेन्द्र गुप्ता, सहजाद आलम लगायतका उपस्थिति रहेकाे थियाे ।

छठु साह/
वीरगंज । पर्सामा रसायनिक मलकाे अभाव भएकाे छ । हाल गेंहु खेती गर्ने समयमा मल नपाउँदा कृषकहरु मर्कामा परेका छन् ।

कृषी सामग्री कम्पनी र साल्ट ट्रेडिङ कर्पोरेसन लिमिटेडले पालिकाहरुलाई उपलब्ध गराउँदै आएकाे मलकाे काेटा प्रयाप्त नहुँदा मलकाे अभाव भएकाे हाे । उपलब्ध काेटा अनुसार पालिकाहरुले वडालाई वितरण गर्दै आएका छन् ।   

आवश्यकता अनुसारकाे मल नपाउँदा गेंहु र मसुरो छर्न ढिलाई भईरहेको कृषकहरु बताउँछन् । मल नपाउँदा गेंहु र मसुराे छर्न समस्या भएकाे कालिकामाई गाउँपालिका वडा नम्बर २ निवासी मुस्तुफा राउत गदीले बताए ।

६ सय देखी १२ सय सम्म घरदुरी रहेको वडामा ५० देखी १ सय बोरा मल जादा कृषकहरुलाई वितरण गर्न समेत कृषि सहकारीहरुलाई समस्या भइरहेकाे छ ।

अपुग मल पाउँदा वितरण गर्ने संघ/संस्था कृषकहरुकाे गाली, होहल्ला सुन्ने र केही अगुवाहरु धाकधम्की समेत सुन्नु परेकाे डिलर संचालकहरुले वताउँछन् । कृषककाे अवश्यकता र क्षेत्रफलको आधारमा कोटा निर्धारण नगर्दा समस्या भएकाे उनीहरुकाे भनाई छ ।

अपुग मल पाएका कारण बाेराले चाहिने मल कृषकहरुलाई २० किलो मल मात्र वितरण गर्नु परेकाे छ । प्रयाप्त मल नपाउँदा गेंहुबालीमा असर पर्ने कृषकहरु वताउँछन् । एक कट्ठाका लागी ५ किलो मल चाहिने भएकोले एक साना कृषकहरुलाई कम्तीमा १ बोरा मलकाे आवश्यकता रहेकाे छ ।

धान खेती होस या गेहु खेती सबैमा चाहिने मात्रामा मल नपाउँदा कृषकहरु चाहिने जति बाली उत्पादन गर्न सकेका छैनन । कृषी सामग्री कम्पनी र साल्टट्रेडिंगबाट वितरण गर्दै आएकाे मल समयमा उपलब्ध नगराउँदा कृषकले पाउन समस्या भएकाे जिल्ला कृषी सहकारीका नरेश गुप्ताले बताए ।

नेपालमा मल नपाउँदा कृषकहरु भारतको सिमावर्ती बजार सिक्टा, भेलवा, ईनारर्वा, मैनाटाड र रक्सौलमा जान बाध्य भएका छन । भारतका बजारबाट मल ल्याएर खेतमा छर्दा बाली पनि बिग्रने र बाली कम हुने गरेको वताइन्छ । यहासम्मकी जगगाको उर्वरा शक्ति पनि छिन हुन थालेको विज्ञहरु बताएका छन् ।

भारतबाट मल ल्याउदा भारतीय प्रहरी तथा नेपाली प्रहरीलाई प्रति बोरा २५ देखी १०० रुपैया दिन कृषकहरु बाध्य भएका छन । नेपाल कृषी प्रधान देश भएपनि समयमा प्रयाप्त मात्रामा मल उपलब्ध नहुँदा कृषकहरु मर्कामा परेका हुन् ।