वीरगंज । नेपाली कांग्रेसका नेता तथा पूर्व संविधानसभा सदस्य राजेन्द्र बहादुर आमात्यले पर्सा–२ बाट आफु चुनाव लडने वताएका छन् । एक रेडियाेमा अन्तर्वाता दिदै नेता आमात्यले आफु अगामी निर्वाचनमा पर्सा २ बाट प्रतिनिधि सभामा चुनाव लडने वताएका हुन् ।
अन्तर्वाताकाे क्रममा उनले हल्ला जे चलेपनि आफु पर्सा २ बाटै प्रतिनिधि सभा सदस्यमा चुनाव लडने दाबी गरेका छन् । अमात्यले वीरगंज महानगरकाे मेयरकाे उम्मेदवार हुने चर्चा चलेपनि पत्रकारकाे जिज्ञासामा उनले खण्डन सांसद मै चुनाव लडने वताएका हुन् ।
उनले २०७० सालमा संविधानसभा निर्वाचनमा पर्सा–१ बाट विजयी भई संविधान निर्माणमा सक्रिय भूमिका निर्वाह गरेका थिए । लामो अन्तरालपछि गरिएको यो ‘कमब्याक’ले कांग्रेसभित्रै शक्ति सन्तुलनमा प्रभाव पार्ने संकेत देखिएको छ।
अहिले साे क्षेत्रमा नेपाली कांग्रेसबाट अजय कुमार चाैरसिया निर्वाचित भएका छन् । हाल उनी संघिय सरकारकाे कानुन मन्त्री पनि छन् । चौरसियाको क्षेत्रमा आमात्यको प्रवेशले स्थानीय राजनीति नयाँ समीकरणमा पुग्ने विश्लेषण राजनीतिक वृत्तमा सुरु भएको छ ।
आमात्यले संविधान निर्माणलाई आफ्नो पुस्ताको ऐतिहासिक योगदान बताउँदै भने, “संविधान लेख्नु भनेको इतिहास लेख्नु हो । जातीय, भाषिक, क्षेत्रीय र राजनीतिक भिन्नताबीच सहमतिसहित संविधान बनाउन सक्नु हाम्रो ठूलो उपलब्धि हो।”
विश्लेषकहरूका अनुसार आमात्यको उम्मेदवारीले पर्सा–२ मा जातीय समीकरण, गुटगत शक्ति र स्थानीय नेतृत्वको समीकरण फेरबदल गर्न सक्छ ।
