वीरगंज । पर्साकाे जगरनाथपुर गाउँपालिकाको आर्थिक सहयोगमा मसिहानीस्थित नेपाल राष्ट्रिय उच्च माध्यमिक विद्यालयका कक्षा १२ मा अध्ययनरत विद्यार्थीलाई पोशाक वितरण गरिएको छ ।
गाउँपालिका अध्यक्ष श्रीकान्त प्रसाद यादवको प्रमुख आतिथ्यमा आयोजित कार्यक्रममा विद्यार्थीलाई कोट, पाइन्ट, सर्ट र टाईसहितको पोशाक वितरण गरिएको हो ।
कार्यक्रममा प्रमुख प्रशासकीय अधिकृत सन्देश कुमार यादव, विद्यालय व्यवस्थापन समिति अध्यक्ष मुस्लिम मियाँ, प्रधानाध्यापक हसमोदिन मियाँ, शिक्षा शाखाका प्रविधिक रबिन्द्र यादव, संयोजक शशी भूषण कुमार विनसहित सम्पूर्ण शिक्षक–शिक्षिका तथा कक्षा ११ र १२ का विद्यार्थीहरूको उपस्थिति रहेको थियो ।
वक्ताहरूले विद्यार्थीहरूलाई अनुशासित, आत्मविश्वासी र उत्कृष्ट शैक्षिक वातावरण सिर्जना गर्न पालिकाको यो पहल सराहनीय रहेको धारणा राखेकाे विनय द्विवेदीले जानकारी दिए । कार्यक्रमकाे संचालन शिक्षक रुपनारायण साहले गरेका थिए ।
