वीरगंज । सानाे पाईलाका प्रमुख कार्यकारी अधिकृत कंचन झा र लेखापाल दिपेश सरार्फ विरुद्ध विदेशी मुद्राकाे अपचलन, राजश्व छली, किर्ते आदी गरी संस्थाकाे रकम हिनामिना गरेकाे आराेप लागेकाे छ ।
सानाे पाईला कै पूर्व कर्मचारी अजितम पाण्डेले कार्यकारी अधिकृत झा र लेखापाल सरार्फ विरुद्ध अख्तियार दुरुपयाेग अनुसन्धान आयाेग, जनकपुर उच्च अदालत अस्थाई इजलाश वीरगंज, जिल्ला प्रशासन कार्यालय पर्सा र जिल्ला प्रहरी कार्यालय पर्सामा संस्थाकाे रकम हिनामिना गरेकाे भन्दै उजरी दर्ता गराएका छन् ।
पाण्डेले शनिबार वीरगंजमा पत्रकार सम्मेलन गर्दै कार्यकारी अधिकृत झा र लेखापाल सरार्फले कराेडाैकाे भ्रष्टचार गरेकाे आराेप लगाए । नेपाल पत्रकार महासंघ पर्साकाे भवनमा भएकाे पत्रकार सम्मेलनमा वाेल्दै पाण्डेले सानाे पाईलाका कार्यकारी अिधकृत झाले नक्कली बिल भर्पाइ बनाई संस्थाकाे रकम हिनामिना गरेकाे आराेप लगाए ।
उनले भने “सानाे पाईला एक समाजिक संस्था भए पनि झाकाे एकलाैटी शसान चल्छ । उनी विरुद्ध कसैले वाेले केही दिन मै झूठाे आराेप लगाई संस्थाबाट निस्काशन गरिन्छ ।”
पाण्डेले मंसिर ११ गते उजरी दर्ता गराए पछि कार्यकारी अधिकृत झा र सरार्फलाई पक्राउ गर्न मंसिर १२ गते पक्राउ पुर्जी समेत जारी भएकाे थियाे । तर ७ दिन विति सक्दा पनि पर्सा प्रहीले दुबै जनालाई पक्राउ गर्न सकेन । पछि मंसिर १८ गते जनकपुर उच्च अदालत अस्थाई इजलाश वीरगंजले मंसिर २७ गते सम्म कुनै किसिमकाे धरपकड नगर्न जिल्ला प्रहरी कार्यालय पर्सालाई आदेश दिएकाे थियाे ।
यता सानाेपाईलाले एक प्रेस विज्ञप्ती जारी गर्दै जनकपुरकाे लागु औषध दुब्र्यसनी केन्द्रमा भर्ना भएका शिक्षार्थीहरुलाई निर्ममता पूर्वक कुटपिट हुने, उनीहरुलाई मापदण्ड अनुसारकाे खानपिन नभएकाे र परिवारका सदस्यहरु संग याैन दुब्र्यवहार भएकाे उजरी परे पछि कार्यक्रम प्रबन्धककाे रुपमा कार्यरत पाण्डेलाई हटाइएकाे जनाएकाे छ ।
संस्थाले ताेकेकाे ब्यक्त्तिले आन्तरिक रुपमा गरेकाे अनुसन्धानमा मुख्य जिम्मेवारी पाण्डे सहित उनकाे समुहले कुटपीट गरेको, खानपिन गुणस्तरहिन भएको, परिवारका सदस्यसँग अनैतिक सम्बन्ध स्थापित गर्ने प्रयास गरेको र रकम हिनामिना भएको पत्ता लागेको थियो । अनुसन्धान टोलीले प्रतिवेदन मुख्यालयमा बुझाएपछि संस्थाको नियम बमोजिम बोर्ड बैठकले अजितम पाण्डेसँग मौखिक र लिखित बयान तथा स्पष्टिकरणका लागि पत्राचार गरेकोमा उहाँ संस्थाको सम्पर्कमा नआई उल्टो आफु विरुद्ध लागेका आरोपबाट बचाउ गर्न उद्दत्त पाण्डे भएकाे जारी विज्ञप्तीमा उल्लेख छ ।
पाण्डेले आफु विरुद्ध कारबाही हुने निश्चित भएपछि सामाजिक सञ्जाल र त्यसपछि विभिन्न ब्यक्तिहरुसँगको सहकार्यमा उजुरी दिदैं आएकाे र संस्थाका कार्यकारी अधिकृत र लेखा प्रमुख सहित अन्य पदाधिकारी विरुद्ध कपोकल्पित र भ्रामक सूचना सम्प्रेषण देखि चरित्र हत्या गर्न लागेपछि संस्थाले लिखित रुपमा यसको उजुरी जिल्ला प्रशासन कार्यालय पर्सा र त्यसको बोद्यार्थ जिल्ला प्रहरी कार्यालय पर्सालाई गराएको सानाे पाइलाका जय साहद्वारा जारी विज्ञप्तीमा उल्लेख छ ।