वीरगंज । पर्साको बिन्दवासिनी गाउँपालिकाको वडा नम्बर १, २ र ५ मा आइतबार बिभिन्न कार्यक्रम गरी बालदिवस मनाइएको छ । राष्ट्रिय बालदिवसको उपलक्ष्यमा बिन्दवासिनी गाउँपालिकाको ३ ठाउँमा सरसफाई र बृक्षारोपण गरी बाल दिवस मनाईएको हो ।
वडा नम्बर २ बहुअर्वा भाठ्ठा र वडा नं. ५ प्रसौनी भाठ्ठामा बालबालिकाहरुले सरसफाई गरी बालदिवस मनाएका छन भने वडा नं. १ गर्दाैलमा बिभिन्न जातीका बिरुवाहरु रोपी बालदिवस मनाइएको समाजिक परिचालिका मिना देवीले बताइन । वृक्षा रोपन कार्यक्रमको उदघाटन वडा नम्बर १ का वडा अध्यक्ष सागीर मियाले बिरुवा रोपी गरेका थिए ।
नेपाल रेडक्रस सोसाईटीको आयोजना र वडा नम्बर १ वडा कार्यालयको सहयोगमा बृक्षारोपण कार्यक्रम भएको हो । जय माँ बिन्दवासिनी बाल क्लब र सरस्वती बाल क्लब गर्दाैलका अध्यक्ष नरेश बैठा र बिनिता साहको अगुवाईमा र समाजिक परिचालिका मिना देवीको सहजीकरणमा १ सय ५१ वटा बिरुवा रोपिएको हो ।
वडा कार्यालय देखी पद्धमरोड सम्म, श्री ज्ञानसागर दलित पा्रथमिक बिधालय र श्री बागडमैना प्राथमिक बिधालय गर्दाैलको प्रांगनमा बिरुवा रोपिएको वडा अध्यक्ष सागीर मियाले बताए ।