वीरगंज,२९ असार ।
पर्साको कालिकामाई गाउपालिका वडानम्बर १ रबिदास गाउको दुबै तिर बाढीले सडक नै बगाए पछि सो गाउका स्थानियवासीहरु घरबाट निस्कन नसकेको स्थानियवासीहरु अबताएका छन ।
अस्ति शुक्रबार राती ८ बजे सिक्टा नदीको बाढीले रबिदास गाउको उतरपटि र मुडलीको दक्षिणपटि बाधिएको बाध टुटाए पछि रबिदास गाउको पुर्ब र पश्चिम तर्फको बाटो पनि बगाएर लगेको स्थानियवासीहरु बताएका छन । दुबै तिरको बाटो नै बन्द भए पछि गाउबाट बाहिर निस्कन नसकेको कालिकामाई गाउपालिका वडानम्बर १ का वडासदस्य रामाशिष यादवले बताएका छन ।
घरबाट बाहिर नआउदा घरमा रहेको दैनिक जीवनयापनको सरसमान समेत घटेको र अब दैनिक जीवनयापन गर्न कठिनाई हुदै गएको वडासदस्य यादवले बताए । वडासदस्य यादवका अनुसार अहिले सम्म गाउपालिका प्रमुख तथा उपप्रमुख कसैले पनि गाउमा आउन नसकेको र बेवास्ता गरेको गुनासो गरेका छन ।
यादवका अनुसार गाउपालिका प्रमुख सित कुरा गर्दा गाउपालिकामा आएर क्षतीपुर्तीको निवेदन दिने प्रतिक्रिया दिनु भएको बताएका छन । अहिले मेरो गाउमा कसैले कुनै किसिम्मको राहतको कुरा गर्न तथा राहत दिन नआएको यादवले गुनासो गरेका छन । यसै गरी आज सोही गाउका उमेश साह कानुका ८ बर्षीय छोरा गोबिन्द साहलाई बिधुतको करेन्ट लागे पछि घाईतेलाई उपचार गराउन बाढी पौडेर लगिएको यादवले बताएका छन ।
बिहिबार देखी घेराबन्दीमा रहेका रबिदासका सयौ स्थानियवासीहरु संग जनप्रतिनिधी, कर्मचारी तथा अन्य निकायबाट भेटन र समस्या बुझन नगएकोे पिडीत स्थानियवासीहरु आरोप लगाएका छन ।