वीरगंज, २३ आसार
पर्साका कृषकहरु आसार महिनामा चिन्तामा परेका छन । कृषकहरुको लागी आसार महिना खेतीपातीका लागी लगन जस्तो रहेको महिनामा पनि बसेर घरमा समय बिताइ राख्दा कृषकहरु झन चिन्तीत भएका छन । आसार महिनाको अन्तिम सातामा पनि पानी नपरेको र नहरको पानीबाट पनि सिचाई हुन नसक्दा सयौ किसानहरु पिडीत बन्नेका छन । त्यति मात्र होईन खेतीपातीका लागी चाहिने कम्पलेक्स मलको अभावले गर्दा पनि थप पिडा भोग्नु परेको पर्साका किसानहरु बताएका छन । पानी नपरेका कारण केही किसानले बोरिंग र पोखरीबाट सिचाई गर्न लाग्दा कम्पलेक्स मलको अभावले असाध्यै पिडा भोगिरहेको कालिकामाई गाउपालिका वडानम्बर २ भेडिहारीका सोहन साह कानुले बताएका छन । नेपाल कृर्षि प्रधान देश भएता पनि सिचाई र मलको अभाव हुनु दुखदाई भएको पर्साका बुद्धिजीवीहरु बताएका छन । कृषकहरुको उन्नतीका लागी स्थानिय सरकारले कदम नचालेको पनि स्थानियवासीहरु गुनासो गरेका छन । स्थानिय सरकारले कृर्षिका लागी बजेट बिनियोजन गरी सिचाई तथा मलको अभावलाई हटाए पर्साका कृषकहरु अगाडी बढन सजिलो हुन्थ्यो भने बिश्वास पकहामैनपुर गाउपालिका वडानम्बर १ धोरेका कृषक सुरेश मेहताले बताएका छन ।
घरमा समय बिताइ राख्दा कृषकहरु चिन्तीत
प्रतिक्रिया लेख्नुहोस