वीरगंज,२१ जेठ ।
बाराको कलैया पिलुवा सडकखण्ड अन्तर्गत मङगलबार ट्रिपरले ठक्कर दिँदा एकको मृत्यु भएको छ । ठक्करमा परी मृत्यु हुने बाराको सिसवा महेशपुरकी ३५ वर्षीया खुश्बु नेशा खातुनको घटनास्थलमै मृत्यु भएको हो।
ना ८ ख ३१२९ नम्बरको ट्रिपरले वीरगजबाट कलैया जाँदै गरेको ना १६ प ९७५७ नम्बरको मोटरसाइकलाई ट्रिपरले ठक्कर दिँदा दम्पति सवार मोटरसाइकल दुर्घटना हुँदा श्रीमान् ४० वर्षीया जाकिर हुसेन गम्भीर घाइते भएको प्रहरीले जनाएको छ ।घाइते हुसेनको कलैयास्थित जिल्ला अस्पतालमा उपचार भइरहेको छ ।
नवलपरासीको कावासोतीमा व्यापार गर्दै आएका दम्पति बुधबार इदुल फित्र मनाउन मोटरसाइकलमा घर फर्किँदै गरेका बेला ट्रिपरले कलैया उपमहानगरपालिका २६ श्रीपुरमा दिउँसो ठक्कर दिएको थियो ।ट्रिपर र ट्रिपर चालक सुरेन्द्र पटेललाई प्रहरीले नियन्त्रणमा लिएको छ ।
दुर्घटनालगत्तै स्थानीयले सडकमै मृतक खातुनको शव राखेर स्थानीय प्रदर्शन गर्दै सडक अवरुद्ध पारेका थिए। सडक अवरुद्ध भएपछि घटनास्थलमा पुगेको प्रहरी र प्रदर्शनकारी बीच भएको छलफलमा तत्कालका लागि कलैया पिलुवा सडकखण्ड ट्रिपर चल्न नदिने सहमति भएपछि सडक सूचारु भएको बाराका प्रहरी नायव उपरीक्षक रन्जित सिंह राठौरले जानकारी दिए।
