वीरगंज ४ बैशाख ।
वीरगंज महानगरपालिका वडा नं.१४ मा देशमै पहिलो मानवता संरक्षण अन्तराष्ट्रिय सम्मेलन हुने छ । बुधवार पत्रकार सम्मेलनको आयोजनामा मरकजी जमियते अहले हदीस नेपालले यहि बैशाख ६ गते देखी ८ गते सम्म वीरगंजको बहुअरीमा “प्रथम मानवता संरक्षण अन्तराष्ट्रिय सम्मेलन” गर्ने भएको जानकारी दिए ।
सम्मेलनका संयोजक अजिजुर्रहमान तुरबत मदनीले बैशाख ६,७ र ८ गते तीन दिने सम्मेलनको आयोजना गर्ने र सम्मेलनको तयारी अन्तिम चरणमा रहेको जानकारी दिनु भयो । सम्मेलनमा करिव २ लाख जनसमुदाएको सहभागीता रहने जानकारी दिनु भयो । नेपालका ७७ वटै जिल्ला एवं भारत, बंगलादेश, साउदी अरब, कोयत, दुबई तथा अन्य देशहरु सहभागीता हुने बताउदै अजिजुर्रहमान तुरबत मदनीले भने करिब ४० लाख खर्च हुने बताउनु भयो । आर्थी खर्चा भने मुस्लिम समुदायवाट चँदा संकलन गरीएको बताए । नेपाल मुस्लिम रिलिफ सोसाईटी बहुअरीको व्यवस्थापनमा हुन गईरहेको सम्मेलनमा देश–विदेशका प्रसिद्ध विद्धानहरू, इस्लाम तथा विभिन्न धर्मका प्रवचकहरू, राजनितिज्ञ, समाजसेवी, बुद्धिजिबी, पदाधिकारिहरू तथा लेखक र इस्लामि कविहरू को उपस्थिति हुने जनाईएको छ । वीरगंज महानगरपालिकाले शौचाल्य तथा खानेपानीको व्यवस्थापनमा सहयोग गरेको, आफ्नो खेतमा अन्नबाली नलगाइ जग्गा उपलब्ध गराई सहयोग गर्ने सानो पिपरा, ठुलो पिपरा, नयाँ बस्ती, राधेमाई र बहुअरीका स्थानियबासीहरु, श्रमदान गर्ने सम्मपूर्णमा धन्यबाद ज्ञापन गर्नु भएको थियो ।
सम्मेलनको उदघाटन शत्रमा प्रमुख अतिथिको रुपमा प्रधानमन्त्री केपी शर्मा ओली, विशिष्ट अतिथि प्रदेश नं. २ का मुख्यमन्त्री लालबाबु राउत गदी, नेपाल मुस्लिम आयोगका अध्यक्ष समिम अंसारी रहेका छन् । मुस्लिम वल्ड लिगका शेख शाद साउद अल्लहारसी, भारतबाट मौलाना खुर्सिद अहमद मदनी, बंगलादेशबाट प्रो. सहादुल ईस्लाम, श्रीलंकाबाट महम्मद मुम्ताज, युकेबाट जफरुल हसन लगायतको सहभागीता हुने बताउनु भयो ।
पत्रकार सम्मेलनमा मौलाना महम्मद हारुन सलफीले इस्वी सम्व १९८९ मास्थापना भएको संस्था “मरकजी जमियते अहले हदीस नेपाल“ स्थापनाकाल देखि नै आफ्नो उद्देश्य र लक्ष्य प्रति सफलता प्राप्त गर्न निरन्तर प्रयासरत गरदै आएको जानकारी दिनु भयो ।
नेपाल मुस्लिम रिलिफ सोसाईटी बहुअरीका अध्यक्ष खालिद अंसारीको अध्यक्षतामा भएको पत्रकार सम्मेलनमा शम्सेद अख्तर, समाजसेवी अबुलखैर अंसारी लगायत स्थानियबासीहरुको सहभागीताका रहेको थियो । कार्यक्रमको सञ्चालन सम्मेलनका मिडिया संयाजक एसएम जहाँगस्तले गर्नु भएको थियो ।
