वीरगंज,२२ चैत ।
पर्सा प्रहरीले शुक्रवार अवैध रक्सी भट्टी नष्ट गरेको छ । प्रहरीले वीरगंज महानगरपालिका २७ उदयपुरघुर्मीमा अवैध रक्सी भट्टी नष्ट गरेको हो ।
वीरगंज महानगरपालिका २७ उदयपुरघुर्मीमा अर्काको जग्गा कब्जा गरी भरत यादवले सञ्चालन गरेको रक्सी भट्टी नष्ट गरेको हो ।
बाँसको झाडीले घेरिएको खोला नजिकै रहेको जग्गामा यादवले बलजफ्ती फुसको अस्थायी छाप्रोमा घरेलु रक्सी उत्पादन र्गै आएका थिए ।
महेश रामको जग्गा बलजफ्ती कब्जा गरी अवैध घरेलु रक्सी उत्पादन हुन्छ सूचनाको आधारमा प्रहरी टोलीले रक्सी भट्टी नष्ट गरेको छ । वडा प्रहरी कार्यालय श्रीपुरका प्रहरी टोलीले ३ सय लिटर रक्सी बनाउन प्रयोग गरिने कच्चा पदार्थ, ४ थान ड्रम र बाल्टिनसमेत बरामद गरि नष्ट गरेको प्रहरी निरीक्षक चक्र बहादुर मल्ललको जानकारी दिए ।
बाहिरबाट ताल्चा लगाएर राखिएको अवस्थामा खोलेर हेर्दा चार वटा ड्रममा रक्सी बनाउने कच्चा पदार्थ राखेको पाइएको उनले बताए ।
