वीरगंज, १९ चैत ।
समृद्ध नेपाल युवा समाज संग आवद्ध विद्यार्थीहरुले बुधबार हावाहुरी प्रभावित क्षेत्रमा सेनेटरी पैड लगातका राहत समग्री वितरण गरेका छन । काठमाण्डौबाट आएका कक्षा ११, १२ मा अध्ययनरत समाज संग आवद्ध विद्यार्थीहरुले हावाहुरी प्रभावित बाराको प्रसौनी गाउँपालिकाको खटुवामा पुगि राहत सामग्री वितरण गरेका हुन ।
महिलाहरुको लागि सनेटेरी पैड लगायत दैनिक जिवनमा प्रयोग हुने साबुन, ब्रस, तुथ पेष्ट लगायत खाद्यय सामग्री एक सय ५० घरदुरीलाई वितरण गरिएको समाजका संयोजक भेष साहले वताए । यसका साथै हवाहुरी प्रभावित क्षेत्रमा मंगलबार देखी नै खटेका समाजका स्वयंसेवहरु बुधबार पनि श्रमदान गरेको समाजका सह संयोजक रवि चौधरीले वताए ।
युवा समाजका दुई दर्जन जति स्वंय सेवकहरु हावाहुरी प्रभावित खटुवामा श्रमदान गरेको उनले वताए । राहत वितरण गर्ने क्रममा खटुवामा अझै पनि त्रिपाल, मछर जाली लगायतको अस्थाई बासको लागि राहत सामग्री पुगी नसकेको पिडितहरुको गुनासो गरेको समाजका लक्ष्मण साहले वताए ।