वीरगंज, १९ माघ ।
वीरगंजमा पनि नेपाल विद्यार्थी संघले सरकारी गाडी चल्नमा अवरोध गरेको छ । नेवि संघको केन्द्रिय विरोधको कार्यक्रम अन्तर्गत आज वीरगंजमा पनि सरकारी गाडी चल्नमा अवरोध गरिएको नेवि संघका केन्द्रिय सदस्य बद्री नारायण तिवारीले वताए । के.पी. ओली नेतृत्वको सरकार अद्यिनायकवाद, तनासाही, ज्यादती तर्फ अग्रसर भएकोले विरोधको कार्यक्रम अन्तर्गत सरकारी गाडी चल्नमा अवरोध गरिएको तिवारीले वताए ।
तिवारीका अनुसार वीरगंजमा सरकारी गाडी नचलेको र ठाकुर राम बहुमुखी क्याम्पसमा ४ वटा गाडी मात्र सरकारी नम्बर प्लेटको फेला परेकोले नियन्त्राण लिन खोज्दा सशस्त्र प्रहरी आफनो नियन्त्रणमा लिई लगेको छ ।
केन्द्रिय सदस्य तिवारीको नेतृत्वमा भएको सरकारी गाडी अवरोधको कार्यक्रममा विद्यार्थी नेता देव पटेल, अनिल पटेल, त्रिलोकी साह, मुनराज तिवारी, अव्दुल कयुम, रन्जन चौरसिया लगायतकाको सहभागिता रहेको थियो ।